Facebook Dating app: फेसबुकवर देखील सुरु होणार डेटिंग, सिक्रेट क्रशला द्या प्रेमाची कबुली
फेसबुक डेटिंग ऍपच्या हटके सुविधेचा वापर करून आता फेसबुकवरील फ्रेंडलिस्ट मध्ये सिक्रेट क्रशला सामील करता येणार आहे, काय असेल ही सुविधा याविषयी जाणून घ्या
तुमच्याही फेसबुकच्या (Facebook) मित्रांच्या यादीत एखादं स्पेशल नाव आहे का? तासंतास या विशेष व्यक्तीचे अकाऊंट तुम्ही स्टॉक करत असता का? मात्र आता न घाबरता त्या व्यक्तीला आपल्या प्रेमाची कबुली देता यावी म्हणून फेसबुकनेच आपल्या युजर्स साठी एक विशेष सुविधा तयार केली आहे. मंगळवारी कॅलीफोर्निया येथे झालेल्या 'F8' परिषदेत (F8 Conference) या फेसबुक डेटिंग ऍपच्या (Facebook Dating App) निर्मितीची घोषणा करण्यात आली.
या डेटिंग ऍपच्या माध्यमातून आजवर सीक्रेट ठेवलेल्या क्रश सोबत खरंखुरं रोमँटिक नातं बनवता येणार आहे. या फीचरचं नाव सिक्रेट क्रश (Secret Crush) असं असून या पर्यायाचा वापर करून तुम्हाला एकाच वेळी आपल्या फ्रेंडलिस्ट मधील 9 जणांना क्रशच्या यादीत सामील करता येणार आहे. यासाठी तुमच्या खास व्यक्तीने देखील आपल्या फेसबुकच्या सेटिंग मध्ये फेसबुक डेटिंग चा पर्याय निवडणे गरजेचे आहे. डेटिंग अॅपवर चॅट करताना या '4' गोष्टी बोलणे टाळा !
सध्या ही सुविधा कोलंबिया, थायलॅन्ड कॅनडा, अर्जेटीना आणि मेक्सिको या देशांमध्ये कार्यरत आहे.या सोबतच समान शाळा,ऑफिस, आणि शहरात राहणाऱ्या व्यक्तींना एकमेकांशी जोडण्यासाठी व तिथून नवीन मैत्रीला चालना देण्यासाठी 'मीट न्यू फ्रेंड्स' ही सुविधा देखील तयार केल्याची माहिती फेसबुकने दिली.