RCB vs MI: बंगळुरूकडून मुंबई इंडियन्सचा 8 विकेट्स राखून पराभव

चिन्नास्वामी स्टेडियमवर (Chinnaswamy Stadium) तीन वर्षांनंतर आयपीएलने (IPL) आनंदी पुनरागमन केले आहे. 2019 नंतर प्रथमच रॉयल चॅलेंजर्स बंगळुरूच्या (Royal Challengers Bangalore) घरच्या मैदानावर खेळल्या गेलेल्या या सामन्याने घरच्या संघासाठी आणि त्याच्या चाहत्यांसाठी नवीन आशा निर्माण केल्या आहेत. कर्णधार फाफ डुप्लेसी, माजी कर्णधार विराट कोहली यांची सलामीची जोडी आणि गोलंदाजांच्या दमदार कामगिरीच्या जोरावर बंगळुरूने पहिल्या सामन्यात मुंबई इंडियन्सचा (Mumbai Indians) 8 विकेट्स राखून पराभव केला. या सहज विजयासह आरसीबीने पहिल्या विजेतेपदाच्या शोधात दमदार सुरुवात केली.

गुजरात टायटन्स, लखनौ सुपर जायंट्स आणि पंजाब किंग्जने या मोसमाची आपापल्या घरात सुरुवात केली आणि विजय मिळवला. या टास्कमध्ये फक्त सनरायझर्स हैदराबाद अपयशी ठरले. अशा स्थितीत पाचवेळच्या चॅम्पियन मुंबईचा सामना करणाऱ्या बेंगळुरूकडे डोळे लागले होते. बंगळुरूनेही निराश न होता घरच्या मैदानावर दणदणीत विजयासह मोसमाची सुरुवात केली.