Shikhar Dhwan VIDEO: IPL दरम्यान शिखर धवनचा व्हिडिओ लीक, पहा नेमकं काय म्हणाला ?
धवन एका महिलेबद्दल बोलत असल्याची आशा व्हिडिओ पाहणाऱ्या चाहत्यांना वाटत आहे. दुसरीकडे, धवन गेल्या अनेक दिवसांपासून त्याच्या घटस्फोटामुळे त्रस्त आहे.
आयपीएल (IPL) 2023 दरम्यान पंजाब किंग्जचा कर्णधार शिखर धवनचा (Shikhar Dhawan) एक व्हिडिओ सोशल मीडियावर लीक झाला आहे. लीक झालेल्या या व्हिडीओमध्ये धवन त्याच्या वैयक्तिक आयुष्याशी निगडीत काहीतरी बोलत असल्याचे दिसत आहे.
या स्पर्धेत 9 एप्रिल रोजी सनरायझर्स हैदराबादविरुद्ध खेळल्या गेलेल्या सामन्यात धवनने 99* धावांची शानदार खेळी खेळली. मात्र, या खेळीनंतरही पंजाब किंग्जला विजयाची नोंद करण्यात अपयश आले. आता या सगळ्यात त्याच्या लीक झालेल्या व्हिडिओने खळबळ उडवून दिली आहे. लीक झालेल्या या व्हिडिओमध्ये धवन एका पार्टीबद्दल बोलत आहे. हेही वाचा Mitchell Marsh-Greta Mack Wedding Photos: ऑस्ट्रेलियन क्रिकेटपटू Mitchell Marsh अडकला विवाहबंधनात; पहा फोटोज
दिल्लीतील फार्महाऊस पार्टीदरम्यान तो कोणालातरी भेटल्याचे धवन सांगत आहे. भेटलेल्या व्यक्तीला पाहून धवन खूप खूश झाला आणि लवकरच त्याच्याशी सोयीस्कर झाला. धवन एका महिलेबद्दल बोलत असल्याची आशा व्हिडिओ पाहणाऱ्या चाहत्यांना वाटत आहे. दुसरीकडे, धवन गेल्या अनेक दिवसांपासून त्याच्या घटस्फोटामुळे त्रस्त आहे.
I don't thing this is anything about his
professional life...is it something personal??#ShikharDhawanLeakedVideo pic.twitter.com/lcBXukdEsJ
— Manish Rathod (@ManishR54489650) April 10, 2023
अशा परिस्थितीत, ती एक महिला असू शकते, जिच्याशी धवन प्रेमात पडला आहे. धवनने या व्हिडिओमध्ये सांगितले की, ही गोष्ट त्यावेळी घडली जेव्हा त्याच्या आयुष्यात वाईट टप्पा सुरू होता. पहिल्या नजरेत प्रेमात पडल्याबद्दलही तो बोलला. व्हिडिओमध्ये धवन म्हणतोय, देखा, तो देखते ही रहे गया… सुना, तो सुनते ही रहे गया… मात्र, धवनच्या या व्हिडिओबाबत अद्याप अधिकृत दुजोरा मिळालेला नाही.
हा व्हिडिओ सोशल मीडियावर प्रचंड व्हायरल होत आहे. वेगवेगळे सोशल मीडिया वापरकर्ते सर्वत्र व्हिडिओ अपलोड करत आहेत. विशेष म्हणजे शिखर धवनच्या नेतृत्वाखालील पंजाब किंग्जने आतापर्यंत आयपीएलमध्ये तीनपैकी दोन विजय मिळवले आहेत.
(The above story first appeared on LatestLY on Apr 10, 2023 11:15 PM IST. For more news and updates on politics, world, sports, entertainment and lifestyle, log on to our website latestly.com).
