भारतीय राष्ट्रीय क्रिकेट टीम (Photo Credit: BCCI/Twitter)

South Africa National Cricket Team vs India National Cricket Team, 3rd T20I Match Live Score Update: :  दक्षिण आफ्रिका राष्ट्रीय क्रिकेट संघ आणि भारतीय राष्ट्रीय क्रिकेट संघ यांच्यातील चार सामन्यांच्या T20 मालिकेतील तिसरा सामना आज म्हणजेच 13 नोव्हेंबर रोजी खेळवला जात आहे. उभय संघांमधील हा सामना सेंच्युरियन (Centurion) येथील सुपरस्पोर्ट पार्क  (SuperSport Park) येथे खेळवला जात आहे. दुसऱ्या T20 सामन्यात दक्षिण आफ्रिकेने (South Africa) टीम इंडियाचा (Team India)  सात विकेट्सने पराभव केला. यासह टीम इंडिया आणि दक्षिण आफ्रिका यांच्यातील चार सामन्यांची टी-20 मालिका 1-1 अशी बरोबरीत आहे. या मालिकेत दक्षिण आफ्रिकेची कमान एडन मार्करामच्या (Aiden Markram)  खांद्यावर आहे. तर टीम इंडियाचे नेतृत्व सूर्यकुमार यादव (Suryakumar Yadav) करत आहे. (हेही वाचा -  Tilak Varma Century: दक्षिण आफ्रिकेविरुद्धच्या टी 20 सामन्यात तिलक वर्माने ठोकले पहिले आंतरराष्ट्रीय शतक )

दरम्यान, तिसऱ्या T20 सामन्यात दक्षिण आफ्रिकेचा कर्णधार एडन मार्करामने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजीला आलेल्या टीम इंडियाची सुरुवात निराशाजनक झाली आणि सलामीवीर संजू सॅमसन खातेही न उघडता पॅव्हेलियनमध्ये परतला. टीम इंडियाने निर्धारित 20 षटकात 6 गडी गमावून 219 धावा केल्या.

पाहा पोस्ट -

टीम इंडियासाठी तिलक वर्माने नाबाद 107 धावांची सर्वाधिक झंझावाती खेळी खेळली. या स्फोटक खेळीत टिळक वर्माने 55 चेंडूत आठ चौकार आणि सात षटकार ठोकले. टिळक वर्माशिवाय अभिषेक शर्मानेही शानदार फलंदाजी करत अवघ्या 25 चेंडूत 50 धावा केल्या.

मार्को जेन्सनने संजू सॅमसनच्या रूपाने दक्षिण आफ्रिकेच्या संघाला पहिले मोठे यश मिळवून दिले. दक्षिण आफ्रिकेकडून अँडिले सिमेलेने आणि केशव महाराज यांनी प्रत्येकी दोन बळी घेतले. अँडिले सिमेलने आणि केशव महाराज यांच्याशिवाय मार्को जॉन्सनने एक विकेट घेतली. हा सामना जिंकण्यासाठी दक्षिण आफ्रिकेच्या संघाला 20 षटकात 220 धावा करायच्या होत्या.

लक्ष्याचा पाठलाग करताना दक्षिण आफ्रिकेच्या संघाची सुरुवात निराशाजनक झाली आणि अवघ्या 27 धावांवर संघाला पहिला मोठा धक्का बसला. दक्षिण आफ्रिकेचा संघ 20 षटकांत सात गडी गमावून केवळ 208 धावा करू शकला. दक्षिण आफ्रिकेकडून मार्को जेन्सनने सर्वाधिक 54 धावांची खेळी खेळली. मार्को जेन्सेनशिवाय हेनरिक क्लासेनने 41 धावा केल्या.

पुन्हा एकदा अर्शदीप सिंगने टीम इंडियाला पहिले मोठे यश मिळवून दिले. टीम इंडियाकडून अर्शदीप सिंगने सर्वाधिक तीन विकेट घेतल्या. अर्शदीप सिंगशिवाय वरुण चक्रवर्तीने दोन बळी घेतले.