PC-X

Sri Lanka Defeat Bangladesh: श्रीलंकेने 2025-27 च्या जागतिक कसोटी अजिंक्यपद स्पर्धेत (WTC) पहिला विजय नोंदवला आहे. या विजयासह, तो जागतिक कसोटी अजिंक्यपद स्पर्धेच्या गुणतालिकेत तिसऱ्या स्थानावर पोहोचला आहे. ऑस्ट्रेलियाचा संघ अव्वल स्थानावर आहे. त्यांनी वेस्ट इंडिजला 159 धावांनी हरवून जागतिक कसोटी अजिंक्यपद स्पर्धेमध्ये विजयाचे खाते उघडले. इंग्लंड दुसऱ्या क्रमांकावर आहे. लीड्स कसोटी सामन्यात इंग्लंडने भारताला 5 गडी राखून पराभूत केले. कोलंबो येथे खेळल्या गेलेल्या दुसऱ्या कसोटी सामन्यात, श्रीलंकेने बांगलादेशला (Sri Lanka vs Bangladesh) एक डाव आणि 78 धावांनी पराभूत करून मालिका 1-0 अशी जिंकली. गॅले येथे खेळला गेलेला पहिला कसोटी सामना अनिर्णित राहिला.

बांगलादेशचा संघ 133 धावांवर गडगडला

कोलंबो कसोटीच्या पहिल्या डावात 247 धावा करणारा बांगलादेश संघ दुसऱ्या डावात फक्त 133 धावांवर गडगडला. संघाचा यष्टिरक्षक फलंदाज मुशफिकुर रहीमने सर्वाधिक 26 धावा केल्या. त्याच्याशिवाय कोणताही फलंदाज यष्टिरक्षकावर टिकू शकला नाही.