Team India Head Coach: श्रीलंका क्रिकेट मालिकेमध्ये टीम इंडियाचे नेतृत्व नव्या मुख्य प्रशिक्षकाकडे- बीसीसीआय
Team India Head Coach | (Photo Credits: Archived, edited, symbolic images)

श्रीलंकेमध्ये या महिन्याच्या अखेरीस होणाऱ्या मर्यादित षटकांच्या मालिकेसाठी (Sri Lanka series) भारतीय क्रिकेट संघाला नवा मुख्य प्रशिक्षक (Team India Head Coach) असेल, अशी घोषणा बीसीसीआयचे सचिव जय शाह यांनी सोमवारी (1 जुलै) केली. शाह यांनी घोषणा केली असली तरी राहुल द्रविड (Rahul Dravid) यांची जागा घेणाऱ्या उत्तराधिकाऱ्याचे नाव मात्र त्यांनी उघड केले नाही. त्यामुळे या चेहऱ्याबाबतची उत्सुकता अधिक वाढली आहे. क्रीडा वर्तुळातील चर्चेनुसार माजी सलामीवीर गौतम गंभीर (Gautam Gambhir) यांचे नाव या पदासाठी आघाडीवर आहे. क्रिकेट सल्लागार समितीने (CAC) त्याला भारताचे माजी महिला प्रशिक्षक डब्ल्यू व्ही रमन यांच्यासमवेत निवडले आहे. हाय-प्रोफाइल पदासाठी मुलाखती घेण्यात आल्या आहेत आणि लवकरच अंतिम निर्णय अपेक्षित आहे.

मुंबईत पोहोचल्यानंतर निर्णय

जय शाह यांनी पुष्टी करताना सांगितले की, बीसीसीआय लवकरच नवीन निवडकर्ता नियुक्त करेल. भारतीय संघाने दक्षिण आफ्रिकेला नुकतेच पराभूत करून टी20 विश्वचषक स्पर्धेचे जेतेपद पटकावलेल्या कॅरिबियन देशातून बोलताना शाह म्हणाले, मुंबईत पोहोचल्यानंतर निर्णय जाहीर केला जाईल. प्रशिक्षक आणि निवडकर्ता या दोघांच्याही नियुक्त्या लवकरच केल्या जातील. सीएसीने मुलाखती घेऊन दोन नावे निवडली आहेत आणि आम्ही त्यांच्यासोबत पुढे जाऊ. (हेही वाचा, जय शाहची मोठी घोषणा! टी-20 विश्वचषक जिंकल्याबद्दल टीम इंडियाला 125 कोटी रुपयांची बक्षीस रक्कम जाहीर)

तीन दिग्गजांकडून निवृत्ती जाहीर

व्हीव्हीएस लक्ष्मण 6 जुलैपासून सुरू होणाऱ्या झिम्बाब्वे दौऱ्यावर संघाचे नेतृत्व करतील. परंतु, नवीन प्रशिक्षक श्रीलंका मालिकेसाठी संघात सामील होतील, ज्यामध्ये 27 जुलैपासून सुरू होणाऱ्या तीन T20 आणि तीन एकदिवसीय सामन्यांचा समावेश आहे. भारताने 11 वर्षांनंतर आयसीसी विजेतेपद मिळविल्यानंतर शाहने आनंद व्यक्त केला, रोहित शर्मा आणि विराट कोहली यांच्या योगदानाचे कौतुक केले. ज्यांनी अंतिम फेरीत महत्त्वपूर्ण भूमिका बजावल्या. शर्मा आणि कोहली या दोघांनीही विजयानंतर T20I मधून निवृत्ती जाहीर केली. (हेही वाचा, रवींद्र जडेजानेही आंतरराष्ट्रीय टी-20 फॉरमॅटला केले अलविदा, पंतप्रधान नरेंद्र मोदी यांनी ट्विट करून दिल्या शुभेच्छा!)

जय शाह यांच्याकडून टीम इंडियाचे कौतुक

शाह यांनी पुढे बोलताना सांगितले की, टी-20 विश्वचषकामध्ये रोहितपासून विराटपर्यंत सर्वांनी उत्कृष्ट कामगिरी केली. गेल्या वर्षी आणि बार्बाडोसमध्ये तोच कर्णधार होता. 2023 मधील फायनल वगळता आम्ही सर्व सामने जिंकले. अंतिम सामन्यात ऑस्ट्रेलियाने चांगला खेळ केला. यावेळी आम्ही विजेतेपद मिळविण्यासाठी आणखी कठोर परिश्रम केले आणि चांगले खेळलो.

दरम्यान, शर्मा, कोहली आणि जडेजा यांच्या निवृत्तीनंतर झालेल्या संक्रमणाबाबत शहा यांनी टिप्पणी केली. "तीन महान खेळाडूंच्या निवृत्तीमुळे हे संक्रमण आधीच घडले आहे. आमच्याकडे सर्वात मोठी बेंच स्ट्रेंथ आहे आणि आमचे लक्ष्य जागतिक कसोटी चॅम्पियनशिप फायनल आणि चॅम्पियन्स ट्रॉफी जिंकण्याचे आहे. हार्दिक पांड्याची कामगिरी आणि भावी कर्णधार म्हणून त्याची क्षमता यावर शाह यांनी टिपणी केली, "कर्णधारपदाचा निर्णय निवडकर्ते घेतील. हार्दिकच्या फॉर्मवर बरेच प्रश्न होते, परंतु आम्ही आणि निवडकर्त्यांनी त्याच्यावर विश्वास दाखवला आणि त्याने स्वतःला सिद्ध केले.