KL Rahul Emotional Farewell: KL राहुलने LSG ला दिला भावनिक निरोप, संजीव गोयंका यांच्यावर काय म्हणाले घ्या जाणून

KL Rahul Emotional Farewell To LSG:  केएल राहुलला आयपीएल 2025 च्या मेगा लिलावात दिल्ली कॅपिटल्सने विकत घेतले. दिल्लीने राहुलवर 14 कोटींची बोली लावली. राहुल आयपीएल (IPL 2024) च्या शेवटच्या हंगामात लखनौ सुपर जायंट्सचा भाग होता, परंतु हंगामाच्या मध्यभागी, राहुल आणि फ्रँचायझी मालक संजीव गोयंका यांच्यात काही वाद झाला. यानंतर, राहुलच्या फ्रँचायझीपासून वेगळे झाल्याच्या बातम्या तीव्र झाल्या आणि अखेर संघाने त्याला सोडले.

आता राहुल आयपीएल 2025 साठी दिल्ली कॅपिटल्सचा भाग बनला आहे. दिल्लीत रुजू झाल्यानंतर राहुलने लखनौ सुपर जायंट्सला भावनिक निरोप दिला. राहुलने सर्वांचे आभार मानले, पण संघाचे मालक संजीव गोयंका यांच्याबद्दल काहीही बोलले नाही.  (हेही वाचा  -  RCB Player Phil Salt on Virat Kohli: आरसीबी जॉइन केल्यानंतर फिल सॉल्टने विराट कोहलीवर दिले मोठं वक्तव्य, जाणून घ्या काय म्हणाला)

राहुलने लखनऊ टीमसोबतचा एक फोटो सोशल मीडियावर शेअर केला आहे. फोटोला कॅप्शन देताना त्याने लिहिले, "एलएसजीसोबतचा हा प्रवास अविस्मरणीय बनवणाऱ्या प्रशिक्षक, सहकाऱ्यांचे आणि चाहत्यांचे आभारी आहोत. विश्वास, आठवणी, ऊर्जा आणि अटूट पाठिंब्याबद्दल धन्यवाद. ही नवीन सुरुवात आहे."

पाहा पोस्ट -

लखनौचा संघ दोन हंगामात प्लेऑफमध्ये पोहोचला

लखनऊ सुपर जायंट्सने 2022 मध्ये आयपीएलमध्ये प्रवेश केला होता. २०२२ च्या मेगा लिलावात संघाने केएल राहुलला विकत घेतले होते. आत्मविश्वास व्यक्त करत फ्रँचायझीने संघाची कमान राहुलकडे सोपवली. पहिल्या दोन हंगामात (IPL 2023 आणि IPL 2024) राहुलच्या नेतृत्वाखाली लखनौने प्लेऑफमध्ये स्थान मिळवले. मात्र, संघ तिसऱ्या सत्रासाठी पात्र ठरू शकला नाही.

केएल राहुलची आयपीएल कारकीर्द

केएल राहुलने त्याच्या आयपीएल कारकिर्दीत आतापर्यंत 132 सामने खेळले आहेत. या सामन्यांच्या 123 डावांमध्ये त्याने 45.46 च्या सरासरीने आणि 134.60 च्या स्ट्राईक रेटने 4683 धावा केल्या आहेत. या कालावधीत त्याने 4 शतके आणि 37 अर्धशतके केली आहेत. राहुलने 2013 मध्ये आरसीबीकडून खेळून आयपीएल करिअरला सुरुवात केली होती.