Ishan Kishan (Photo: X)

Ranji Trophy 2024-24: प्रसिद्ध आंतरराष्ट्रीय क्रिकेटपटू इशान किशनकडे झारखंड रणजी संघाचे कर्णधारपद सोपवण्यात आले आहे. झारखंड (Jharkhand) राज्य क्रिकेट असोसिएशन (JSCA) ने बुधवारी 2024-25 हंगामासाठी संघाची घोषणा केली. कर्णधार इशान किशन(Ishan Kishan) व्यतिरिक्त ज्या खेळाडूंना यात स्थान मिळाले आहे. त्यात विराट सिंग (उपकर्णधार), कुमार कुशाग्रा (यष्टीरक्षक), नाझिम सिद्दीकी, आर्यमन सेन, शरणदीप सिंग, कुमार सूरज, अनुकुल रॉय, उत्कर्ष सिंग, सुप्रियो चक्रवर्ती यांचा समावेश आहे. सौरभ शेखर, विकास कुमार, विवेकानंद तिवारी, मनिषी, रवी कुमार यादव आणि रौनक कुमार यांच्या नावाचा समावेश आहे. (हेही वाचा: India vs Bangladesh, 2nd T20I Stats And Record Preview: टीम इंडिया आणि बांगलादेश यांच्यात होणार रोमांचक सामना, आजच्या सामन्यात होऊ शकतात 'हे' मोठे विक्रम) 

याआधी झारखंड संघाने इशान किशनच्या नेतृत्वाखाली बुची बाबू स्पर्धेतही प्रवेश केला होता. रणजी ट्रॉफी 11 ऑक्टोबरपासून सुरू होत असून झारखंडचा पहिला सामना आसामशी होणार आहे. झारखंडचा समावेश असलेल्या एलिट गटात आसाम, रेल्वे, चंदीगड, छत्तीसगड, सौराष्ट्र, दिल्ली आणि तामिळनाडू या संघांचा समावेश आहे.

इशान किशन हा मूळचा बिहारचा असला तरी तो झारखंडकडून खेळत आहे. 22 डिसेंबर 2015 रोजी, 2016 अंडर-19 क्रिकेट विश्वचषक स्पर्धेसाठी भारताच्या संघाचा कर्णधार म्हणून त्याची निवड करण्यात आली. इशान हा डावखुरा फलंदाज आणि यष्टिरक्षक आहे.

इशान किशन 2019 इंडियन प्रीमियर लीगमध्ये मुंबई इंडियन्स संघाचा एक भाग आहे. इशान किशन अद्याप टीम इंडियाचा भाग नाही. मागच्या वेळी तो आफ्रिकेच्या दौऱ्यावर गेला होता, तिथे त्याने मानसिक तणावाचे कारण सांगून त्या दौऱ्यातून माघार घेतली. यानंतर त्याला सेंट्रल कॉन्ट्रॅक्ट लिस्टमधून बाहेरचा रस्ता दाखवण्यात आला, तेव्हापासून आतापर्यंत तो टीम इंडियामध्ये परतण्याचा मार्ग शोधत आहे.