IPL 2022 Closing Ceremony: 2019 नंतर प्रथमच होणार आयपीएलचा समारोप समारंभ, BCCI भव्य सोहळा आयोजित करण्याच्या तयारीत; वाचा सविस्तर
29 मे रोजी अहमदाबादच्या नरेंद्र मोदी स्टेडियमवर होणार्‍या फायनलच्या अगोदर समारोप समारंभ आयोजित करण्यासाठी बीसीसीआयने योजना आखली असून यासाठी बोर्डाने शनिवारी, 16 एप्रिल रोजी समारोप समारंभ आयोजित करण्यासाठी प्रस्ताव मागवले आहेत. 2019 पासून आयपीएलचा उदघाटन किंवा समापन सोहळा आयोजित करण्यात आलेला नाही.
IPL 2022 Closing Ceremony: आयपीएल (IPL) 2022 मध्ये 25 सामने खेळले गेले आहेत आणि आता या स्पर्धेतील मजबूत आणि कमकुवत संघ समोर आले आहेत. मुंबई हा या स्पर्धेतील सर्वात कमकुवत संघ ठरला आहे. तर गुजरात टायटन्स संघ ट्रॉफी जिंकण्याचा प्रबळ दावेदार मानला जात आहे. दरम्यान, भारतीय क्रिकेट नियामक मंडळ (BCCI) इंडियन प्रीमियर लीग (Indian Premier League) 2022 चा समारोप समारंभ आयोजित करण्याची योजना आखत आहे. जगभरातील लोकप्रिय टी-20 लीगमध्ये 2019 आवृत्तीपासून उद्घाटन किंवा समारोप समारंभ झालेला नाही परंतु देशातील कोविड-19 ची परिस्थिती नियंत्रणात असेल तर बीसीसीआय (BCCI) या हंगामाच्या शेवटी एक समापन सोहळा आयोजित करण्याच्या आहेत आहे. (IPL Media Rights Tender: आयपीएलच्या प्रसारण हक्कांची 33 हजार कोटीच्या मूळ किमतीवरून लागणार बोली, BCCI ची तिजोरी ओसंडून वाहण्यासाठी सज्ज!)
उल्लेखनीय म्हणजे, बीसीसीआयने शनिवारी, 16 एप्रिल रोजी समारोप समारंभ आयोजित करण्यासाठी प्रस्ताव मागवले आहेत. “बीसीसीआय आयपीएल 2022 च्या समारोप समारंभासाठी निविदा प्रक्रियेद्वारे नामांकित संस्थांकडून बोली आमंत्रित करते,” BCCI ने एका प्रकाशनात म्हटले आहे की, 'प्रस्तावासाठी विनंती' दस्तऐवज 1 लाख रुपयांमध्ये उपलब्ध असेल. RFP 25 एप्रिल 2022 पर्यंत खरेदीसाठी उपलब्ध असेल. आयपीएल 2022 चा अंतिम सामना 29 मे रोजी अहमदाबादच्या नरेंद्र मोदी स्टेडियमवर खेळला जाणार आहे.
2019 पासून आयपीएलचा उद्घाटन किंवा समारोप समारंभ झालेला नाही. 2019 च्या इतिहासात प्रथमच आयपीएलचा उद्घाटन समारंभ झाला नाही कारण आता बंद पडलेल्या प्रशासक समितीने पुलवामा येथे झालेल्या दहशतवादी हल्ल्यात प्राण गमावलेल्या CRPF जवानांच्या कुटुंबीयांना सोहळ्याचा निधी दान करण्याचा निर्णय घेतला होता. त्यानंतर आयपीएल 2020 आणि 2021 मध्ये सोहळा आयोजित केला गेला नाही कोविड-19 महामारीच्या पार्श्वभूमीवर स्पर्धा बंद दारांच्या मागे किंवा आंशिक प्रेक्षकांसह आयोजित करण्यात आली होती. तथापि, आता भारतातील कोविड-19 ची परिस्थिती नियंत्रणात असताना, बीसीसीआयने आयपीएल 2022 साठी मुंबई आणि पुण्यातील एकूण 4 ठिकाणी 25 टक्के प्रेक्षक क्षमतेला परवानगी देत स्पर्धा आयोजित केली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)