टीम इंडिया (Photo Credit: PTI)

IND vs AUS 2nd Test Day 4 Live Streaming: ऑस्ट्रेलियामध्ये (Australia) सुरु असलेल्या बॉर्डर-गावस्कर ट्रॉफी (Border-Gavaskar tTrophy) मालिकेतील दुसऱ्या बॉक्सिंग डे टेस्ट (Boxing Day Test) मॅचचा आजचा चौथा दिवस आहे. तिसऱ्या दिवसाखेर भारताने (India) 132 धावांवर कांगारू संघाच्या 6 फलंदाजांवर दुसऱ्या डावात वर्चस्व गाजवत मालिकेच्या दुसऱ्या सामन्यात आपली पकड मजबूत केली आहे. पहिल्या भारताने 131 धावांच्या आघाडीच्या प्रत्युत्तरात कांगारू संघाने तिसऱ्या दिवसाखेर नाममात्र 2 धावांची आघाडी घेतली आहे. भारतीय वेळेनुसार सकाळी 5:00 वाजता चौथ्या दिवसाचा खेळ सुरु होईल. भारत-ऑस्ट्रेलिया पहिल्या कसोटी सामन्याचे लाइव्ह प्रक्षेपण भारतीय चाहत्यांसाठी सोनी स्पोर्ट्स नेटवर्कवर उपलब्ध असेल. सोनी टेन 1 एचडी/एसडी आणि सोनी सिक्स एचडी/एसडी इंग्रजी कमेंट्री तर हिंदी कमेंट्री सोनी टेन 1 एचडी/एसडी वर उपलब्ध असेल. शिवाय Sony LIV अ‍ॅपवर चाहत्यानां लाईव्ह ऑनलाईन स्ट्रीमिंग पाहायला मिळेल. Jio आणि Airtel यूजर्स सामन्याचे लाईव्ह स्ट्रीमिंग जियो टीवी आणि एयरटेल स्ट्रीमवर पाहू शकतात. (IND vs AUS 2nd Test Day 3: बॉक्सिंग डे टेस्टवर भारताची मजबूत पकड, तिसऱ्या दिवसाखेर ऑस्ट्रेलियाचा स्कोर 133/6)

तिसऱ्या दिवशी ऑस्ट्रेलियासाठी कॅमरुन ग्रीन आणि पॅट कमिन्स आघाडी वाढवण्याच्या प्रयत्नात असतील तथापि, त्यांच्यासाठी हे सोपे ठरणार नाही. मेलबर्न क्रिकेट ग्राउंडवर खेळल्या जाणार्‍या दुसर्‍या कसोटी सामन्याच्या चौथ्या दिवशी विजय-पराभवाचा निर्णय होऊ शकतो. जर टीम इंडियाने सकाळी चांगली गोलंदाजी केली तर ही मालिका 1-1ने बरोबरी करेल. जर भारताला जिंकण्यासाठी 100 पेक्षा कमी धावांचे लक्ष मिळाले तर संघाला चांगली फलंदाजी करावी लागेल. अ‍ॅडिलेडमध्ये झालेल्या चुकांची पुनरावृत्ती न करण्याचा भारतीय फलंदाजांचा प्रयत्न असेल. यजमान संघाकडून कॅमरून ग्रीन नाबाद 17 आणि पॅट कमिन्स नाबाद 15 धावा करुन खेळपट्टीवर खेळत आहेत आणि आता चौथ्या दिवशी दोन्ही फलंदाजांवर चांगली खेळी करण्याची जबाबदारी असेल. दोघांमध्ये आजवर 34 धावांची भागीदारी झाली आहे.

असा आहे भारत-ऑस्ट्रेलियाचे प्लेइंग इलेव्हन

भारत: अजिंक्य रहाणे (कॅप्टन), शुभमन गिल, मयंक अग्रवाल, चेतेश्वर पुजारा, हनुमा विहारी, रिषभ पंत (विकेटकीपर), रवींद्र जडेजा, आर अश्विन, उमेश यादव, जसप्रीत बुमराह आणि मोहम्मद सिराज.

ऑस्ट्रेलिया: टिम पेन (कॅप्टन/विकेटकीपर), जो बर्न्स, मॅथ्यू वेड, स्टिव्ह स्मिथ, मार्नस लाबूशेन, ट्रेव्हिस हेड, कॅमरून ग्रीन, पॅट कमिन्स, जोश हेझलवूड, मिचेल स्टार्क आणि नॅथन लायन.