CPL 2020: अफगाणिस्तानचा रशीद खान टी-20 क्रिकेटमध्ये विकेटचे तिहेरी शतक पूर्ण करणारा ठरला युवा व सर्वात वेगवान गोलंदाज

अफगाणिस्तानचा फिरकी गोलंदाज राशिद खान (Rashid Khan) टी-20 क्रिकेटमध्ये विकेटचे तिहेरी शतक पूर्ण करणारा सर्वात युवा वेगवान गोलंदाज बनला. रशीदने आपला सहकारी आणि सेंट लुसिया झुक्सचा (St Lucia Zouks) अष्टपैलू मोहम्मद नबीला (Mohammad Nabi) पछाडले आणि विक्रमला गवसणी घातली. तथापि, सेंट लुसिया झुक्सने कॅरेबियन प्रीमियर लीगमधील (सीपीएल) पावसाने व्यत्यय आणलेला पाचवा टी -20 सामना बार्बाडोस ट्रायडेन्टविरुद्ध (Barbados Trident) 7 विकेट्स (डकवर्थ/लुईस पद्धतीने) जिंकला. प्रथम फलंदाजी करताना बार्बाडोस ट्रायडंटने 131/7 धावा केल्या परंतु डावांदरम्यान झालेल्या पावसामुळे झुक्ससमोर 5 ओव्हरमध्ये 47 धावांचे लक्ष्य मिळाले. रहकीम कॉर्नवॉल, आंद्रे फ्लेचर आणि नबीच्या काही जलद फलंदाजीने 4.1 ओव्हरमध्ये लक्ष्य गाठले. पराभव पत्करावा लागला तरी राशिद खानसाठी हा एक विशेष सामना होता. त्याने आपल्या विविधतेने जगभरातील क्रिकेटप्रेमींना चकित केले. राशिद खानने ऑक्टोबर 2015 मध्ये झिम्बाब्वेविरुद्ध आंतरराष्ट्रीय टी-20 सामन्यात प्रवेश केला होता. (CPL 2020: कॅच पकडायला गेलेल्या रोव्हमन पॉवेलची बाउंड्रीवर झाली वीरसामी पर्मुलबरोबर जोरदार टक्कर, पण पकडला क्लासिक झेल Watch Video)

सीपीएल सुरू होण्यापूर्वी ऑस्ट्रेलियाचे माजी वेगवान गोलंदाज ब्रेट लीने सांगितले होते की, या स्पर्धेत रशीद खान लक्षवेधी खेळाडू असेल. गुरुवारी मोहम्मद नबीला बाद केल्यामुळे 21 वर्ष आणि 335 दिवसांनी रशीद टी-20 क्रिकेटमध्ये 300 गडी बाद करणारा युवा वेगवान गोलंदाज ठरला. 213 सामन्यांत हा पराक्रम करणारा वेगवान गोलंदाज बनला. पदार्पणानंतर 4 वर्ष आणि 338 दिवसात हा पराक्रम करणारा तो जगातील एकमेव खेळाडू आहे. आंतरराष्ट्रीय टी-20 क्रिकेटमध्ये नाही, परंतु तो वेगवेगळ्या देशांमध्ये आयोजित टी-20 लीगमध्ये सतत खेळतो. मात्र, धावांच्या बाबतीत ते खूपच मागे आहेत. फलंदाज म्हणून त्याने 213 सामन्यांच्या 110 डावांमध्ये केवळ 905 धावा केल्या आहेत.

अफगाणिस्तानचे प्रतिनिधित्व करण्याव्यतिरिक्त, रशिद खान इंडियन प्रीमियर लीगमध्ये सनरायझर्स हैदराबादकडून खेळतो आणि 19 सप्टेंबरपासून स्पर्धा सुरू होईल तेव्हा युएईमध्ये त्यांच्या संघात सामील होईल. मागील आयपीएल आवृत्तीमध्ये अष्टपैलू कामगिरीमुळे तो हैदराबादसाठी महत्त्वाचा खेळाडू ठरला आहे. सध्या, सीपीएल 2020 मध्ये बार्बाडोस ट्रायडंटकडून खेंण्याशिवाय राशिद खान ऑस्ट्रेलियामधील बिग बॅश लीगमध्ये अ‍ॅडिलेड स्ट्रायकरकडूनही खेळला आहे.