India vs Bangladesh: टीम इंडियाच्या बांगलादेश दौऱ्याबाबत मोठी अपडेट, Rohit-Kohli ची जोडी कधी खेळताना दिसेल?
भारताचा बांगलादेश दौरा रद्द करण्यात आला आहे. क्रिकबझच्या रिपोर्टमध्ये ही माहिती समोर आली आहे. आता चाहत्यांना रोहित शर्मा आणि विराट कोहलीची जोडी खेळताना पाहण्यासाठी बराच वेळ वाट पाहावी लागेल.
India vs Bangladesh: टीम इंडिया (Team India) सध्या इंग्लंडच्या दौऱ्यावर आहे. जिथे दोन्ही संघांमध्ये 5 सामन्यांची कसोटी मालिका खेळली जात आहे. ही मालिका ऑगस्टपर्यंत खेळवली जाईल. तर या मालिकेनंतर टीम इंडियाला बांगलादेश दौऱ्यावर जावे लागले. या दौऱ्यात टीम इंडियाला एकदिवसीय आणि टी-20 मालिका खेळायची होती, तर एकदिवसीय मालिकेत, बऱ्याच काळानंतर चाहत्यांना रोहित शर्मा आणि विराट कोहलीची जोडीही खेळताना दिसली असती. आता बांगलादेश दौऱ्याबाबत एक मोठी अपडेट समोर आली आहे. ज्यामुळे रोहित आणि विराटच्या (Rohit-Kohli) चाहत्यांना मोठा धक्का बसला आहे.
टीम इंडियाचा बांगलादेश दौरा रद्द
क्रिकबझच्या रिपोर्टनुसार, ऑगस्टमध्ये टीम इंडियाचा बांगलादेश दौरा आता रद्द करण्यात आला आहे. तथापि, दोन्ही देशांच्या क्रिकेट बोर्डांकडून याबद्दल कोणतीही अधिकृत माहिती देण्यात आलेली नाही. बीसीबीच्या अधिकाऱ्याने सांगितले की, "बांगलादेशचे भारतासोबत मालिकेची तारीख अद्याप निश्चित झालेली नाही. मात्र, एका आठवड्यात यावर निर्णय घेतला जाऊ शकतो. क्रिकबझशी बोलताना एका प्रसारकाने सांगितले की, " बांगलादेशची भारतासोबत कोणतीही मालिका नाही."
आयपीएल 2025 दरम्यान, रोहित शर्मा आणि विराट कोहलीने मे महिन्यात कसोटी क्रिकेटमधून निवृत्ती घेतली. आता ते फक्त एकदिवसीय क्रिकेटमध्ये खेळताना दिसणार आहेत. त्यामुळे चाहत्यांना आशा होती की रोहित-विराटची जोडी बांगलादेश दौऱ्यावर एकदिवसीय मालिकेत खेळताना दिसेल, परंतु आता चाहत्यांना जास्त वाट पहावी लागू शकते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)