44th Chess Olympiad: बुद्धिबळ ऑलिम्पियाड टॉर्च रिले कोईम्बतूरमध्ये पोहोचले, ग्रँडमास्टर श्याम सुंदरचे चाहत्यांकडून जोरदार स्वागत
कोईम्बतूरमध्ये, ग्रँडमास्टर श्याम सुंदरने (Grandmaster Shyam Sunder) मशाल पुढे नेली आणि बुद्धिबळ चाहत्यांकडून त्याचे जोरदार स्वागत झाले. तत्पूर्वी, मशाल रिले रविवारी पुद्दुचेरीला पोहोचली.
पहिली-वहिली बुद्धिबळ ऑलिम्पियाड टॉर्च रिले (Chess Olympiad Torch Relay) सोमवारी तामिळनाडूमधील कोईम्बतूर (Coimbatore) शहरात पोहोचली. कोईम्बतूरमध्ये, ग्रँडमास्टर श्याम सुंदरने (Grandmaster Shyam Sunder) मशाल पुढे नेली आणि बुद्धिबळ चाहत्यांकडून त्याचे जोरदार स्वागत झाले. तत्पूर्वी, मशाल रिले रविवारी पुद्दुचेरीला पोहोचली. रविवारी इतर मान्यवरांच्या उपस्थितीत पुद्दुचेरीचे लेफ्टनंट गव्हर्नर डॉ. तमिलिसाई सुंदरराजन (Dr. Tamilisai Sundararajan) यांनी इंदिरा गांधी इनडोअर स्टेडियमवर जीएम आकाश गणेश (GM Akash Ganesh) यांच्याकडून मशाल स्वीकारली. टॉर्च रिले पंतप्रधान नरेंद्र मोदी (PM Narendra Modi) यांच्या हस्ते प्रक्षेपित करण्यात आली आणि लेह येथून सुरुवात झाली.
तामिळनाडूतील महाबलीपुरम येथे समारोप होण्यापूर्वी ही मशाल 40 दिवस 75 शहरांमध्ये फिरेल. बुद्धिबळ ऑलिम्पियाडमध्ये 200 हून अधिक देश सहभागी होत आहेत. बुद्धिबळ ग्रँडमास्टर्सना विविध ओळखीच्या ठिकाणी मशाल मिळेल.जगातील सर्वात मोठ्या बुद्धिबळ स्पर्धेची 44 वी आवृत्ती चेन्नईजवळील महाबलीपुरम येथे 28 जुलै ते 10 ऑगस्ट दरम्यान होणार आहे.