Viral Video: सौदी एअरलाइन्सच्या विमानाला आग, पेशावरमध्ये इमर्जन्सी लँडिंग, पाहा व्हिडीओ
विमान उतरल्यानंतर लगेचच आगीची घटना घडली आणि सर्व प्रवासी आणि केबिन क्रूला सुखरूप बाहेर काढण्यात आले. सौदी एअरलाइन्सचे विमान 792 पेशावर विमानतळावर उतरले तेव्हा त्यातून धूर निघताना दिसला.
Viral Video: पाकिस्तानमधील पेशावर विमानतळावर बुधवारी सौदी अरेबियाच्या प्रवासी विमानाला आग लागली. विमान उतरल्यानंतर लगेचच आगीची घटना घडली आणि सर्व प्रवासी आणि केबिन क्रूला सुखरूप बाहेर काढण्यात आले. सौदी एअरलाइन्सचे विमान 792 पेशावर विमानतळावर उतरले तेव्हा त्यातून धूर निघताना दिसला. काही वेळातच हवाई वाहतूक नियंत्रकाने वैमानिकाला माहिती दिली. तसेच अग्निशमन व बचाव सेवेलाही याबाबत माहिती देण्यात आली. आगीची माहिती मिळताच अग्निशमन दलाच्या गाड्या घटनास्थळी दाखल झाल्या. ही आग तातडीने विझवण्यात आली. विमानातील सर्व प्रवासी आणि कर्मचाऱ्यांना सुखरूप बाहेर काढण्यात आले.
पाहा पोस्ट:
हे विमान सौदी अरेबियातील रियाध येथून पेशावरला आले होते. या विमानात 275 प्रवासी आणि 21 केबिन क्रू मेंबर होते. या घटनेत कोणतीही जीवितहानी झाल्याचे वृत्त नाही. ही घटना खूपच भीतीदायक होती, मात्र दक्षता आणि तत्काळ कारवाईमुळे सर्व प्रवासी सुखरूप आहेत.