Twitter Blocked in Pakistan? माजी पंतप्रधान Imran Khan यांच्या अटकेनंतर पाकिस्तानमध्ये सोशल मीडिया प्लॅटफॉर्म बंद झाल्याच्या बातम्या व्हायरल

आज पाकिस्तानचे माजी पंतप्रधान आणि पीटीआय प्रमुख इम्रान खान यांना अटक करण्यात आली. त्यांच्या अटकेनंतर देशात जोरदार निषेध होत आहे. आता या निषेधानंतर पाकिस्तानमध्ये ट्विटर ब्लॉक करण्यात आल्याची माहिती आहे. हिंसक निदर्शनांदरम्यान सरकारने इंटरनेटवरही बंदी घातल्याचे अहवालात म्हटले आहे. पाकिस्तानच्या विविध भागात ट्विटर चालत नसल्याचे सोशल मिडियावर म्हटले आहे. पक्षाचे प्रमुख इम्रान खान यांना इस्लामाबाद न्यायिक संकुलातून रेंजर्सच्या कर्मचार्‍यांनी अटक केल्याच्या विरोधात, पक्ष नेतृत्वाने देशव्यापी निषेध पुकारल्यानंतर पाकिस्तान तेहरीक-ए-इन्साफचे कार्यकर्ते मंगळवारी रस्त्यावर उतरले. माजी पंतप्रधानांना अल-कादिर ट्रस्ट प्रकरणात अटक करण्यात आली आहे. (हेही वाचा: Imran Khan Arrest Video: पाकिस्तानचे माजी पंतप्रधान इम्रान खान यांना अटक, पाहा व्हिडिओ)