Nigeria Church Attack: नायजेरियामध्ये चर्चवर अंधाधुंद गोळीबार; 50 लोकांचा मृत्यू झाल्याची भीती

नायजेरियातून एक मोठी बातमी समोर येत आहे. ओवो शहरातील सेंट फ्रान्सिस कॅथोलिक चर्चमध्ये रविवारी काही बंदूकधाऱ्यांनी अंधाधुंद गोळीबार केला. यावेळी चर्चमध्ये प्रार्थना सुरू होती. मीडिया रिपोर्ट्सनुसार, बंदुकधारींनी पुजारी आणि अनेक भाविकांचे अपहरण केले आहे. मृत किंवा जखमींची संख्या अद्याप समजू शकलेली नाही, तरी या घटनेमध्ये साधारण 50 लोकांनी आपला जीव गमावला असल्याची भीती व्यक्त केली जात आहे.

पीटीआय या वृत्तसंस्थेनुसार, ओवो राज्याचे गव्हर्नर रोटिमी अकेरेडोलू यांनी हा निष्पाप लोकांवरील भ्याड हल्ला असल्याचे म्हटले आहे. त्यांनी दोषींना कठोरात कठोर शिक्षा करण्याचे आश्वासन दिले आहे. आतापर्यंत कोणत्याही टोळीने या हल्ल्याची जबाबदारी स्वीकारलेली नाही.