Palestine Statehood Recognition: इस्रायलला मोठा धक्का; Norway, Ireland आणि Spain पॅलेस्टाईन राज्याला मान्यता देणार, आतापर्यंत 146 देशांचा पाठींबा

Israel-Hamas War: पॅलेस्टाईनला एकाकी पाडण्याचा प्रयत्न करणाऱ्या इस्रायलला मोठा झटका बसला आहे. जगातील तीन देश नॉर्वे, आयर्लंड आणि स्पेन हे पॅलेस्टाईन राज्याला मान्यता देणार आहेत. पॅलेस्टाईनला मान्यता देण्यास इस्रायल सातत्याने विरोध करत आहे पण आता त्याला युरोपकडून मोठा धक्का बसला आहे. नॉर्वेचे पंतप्रधान जोनास गार स्टर्म यांनी बुधवारी सांगितले की, त्यांचा देश पॅलेस्टाईनला एक राज्य म्हणून औपचारिकपणे मान्यता देत आहे. ते म्हणाले, 'ही मान्यता दिली नाही तर पश्चिम आशियात शांतता प्रस्थापित होऊ शकत नाही.' नॉर्वे हा इस्रायल आणि पॅलेस्टाईन यांच्यातील द्वि-राज्य समाधानाचा कट्टर समर्थक आहे. हा युरोपियन युनियनचा सदस्य नाही परंतु या विषयावरील त्याची भूमिका इतर ईयू सदस्यांसारखीच आहे. इतरही अनेक देशांनी गेल्या आठवड्यात सूचित केले आहे की, ते पॅलेस्टाईनला एक राज्य म्हणून मान्यता देण्याची योजना आखत आहेत. प्रदेशातील शांततेसाठी दोन-राज्य उपाय आवश्यक असल्याचे अनेक देशांचे म्हणणे आहे. मे 2024 पर्यंत, संयुक्त राष्ट्रांच्या 193 सदस्य राष्ट्रांपैकी 146 देशांनी पॅलेस्टाईन राज्याला सार्वभौम राज्य म्हणून मान्यता दिली आहे. नोव्हेंबर 2012 पासून ते संयुक्त राष्ट्र महासभेचे सदस्य नसलेले निरीक्षक राज्य आहे. (हेही वाचा: Iran President Election: इब्राहिम रायसी यांच्या निधनानंतर इराणचा पुढील राष्ट्राध्यक्ष कोण? 28 जून रोजी होणार निवडणूक)

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)