Cambodia Hotel Fire: कंबोडियातील हॉटेलला लागलेल्या आगीत 10 जणांचा मृत्यू, जीव वाचवण्यासाठी लोकांनी पाचव्या मजल्यावरून मारली उडी

Cambodia Hotel Fire: कंबोडियातील एका हॉटेलला भीषण आग लागल्याचे वृत्त समोर आले आहे. थायलंडच्या सीमेजवळ कंबोडियाच्या पोइपेटच्या ग्रँड डायमंड सिटीमध्ये असलेल्या या हॉटेल आणि कॅसिनोमध्ये आग इतकी वेगाने पसरली की, अनेकांना बाहेर पडता आले नाही. या आगीत अनेकांना आपला जीव गमवावा लागला. या घटनेत 10 जणांचा मृत्यू झाला असून 30 जण जखमी असल्याचं सांगण्यात येत आहे.

लोकांनी पाचव्या मजल्यावरून उडी मारली -

पोईपेट येथील ग्रँड डायमंड सिटी हॉटेलला लागलेल्या आगीमुळे नागरिकांमध्ये घबराट पसरली होती. ऑनलाइन व्हायरल झालेल्या व्हिडिओमध्ये दिसत आहे की, आग इतकी पसरली होती की लोकांनी आपला जीव वाचवण्यासाठी जळत्या इमारतीच्या पाचव्या मजल्यावरून उडी मारली.