Virat Kohli Net Worth: संपत्तीच्या बाबतीत विराट कोहलीने रचला नवा विक्रम; 1,000 कोटींच्या पुढे गेले नेट वर्थ- Report

टीम इंडियाचा माजी कर्णधार आणि अनुभवी फलंदाज विराट कोहलीने एकूण संपत्तीच्या बाबतीत एक नवा विक्रम प्रस्थापित केला आहे. विराटची एकूण संपत्ती एक हजार कोटींच्या पुढे गेली आहे. स्टॉक ग्रोनुसार, कोहलीची एकूण संपत्ती 1,050 कोटी रुपये झाली आहे. कोहलीशिवाय, सध्या जगातील कोणत्याही क्रिकेटरकडे इतकी संपत्ती नाही. कोहलीचा बीसीसीआयच्या केंद्रीय कराराच्या यादीत A+ श्रेणीमध्ये समावेश आहे. कोहलीचा आयपीएलमध्ये रॉयल चॅलेंजर्स बंगळुरू (RCB) सोबत करार आहे. या डीलमधून त्यांना वर्षाला 15 कोटी रुपये मिळतात. रिपोर्ट्सनुसार, कोहली इंस्टाग्रामवर प्रत्येक पोस्टसाठी 8.9 कोटी रुपये आणि ट्विटरवर प्रत्येक पोस्टसाठी 2.5 कोटी रुपये आकारतो.

अहवालानुसार, कोहलीने अनेक स्टार्टअप्समध्ये गुंतवणूक केली आहे. कोहलीकडे 18 पेक्षा जास्त ब्रँड्स आहेत व प्रत्येक जाहिरात शूटसाठी तो 7.50 ते 10 कोटी रुपये आकारतो. ब्रँड एंडोर्समेंटमधून तो सुमारे 175 कोटी रुपये कमावतो. (हेही वाचा: Virat Kohli House Price: विराट कोहलीच्या मुंबई आणि गुडगावमधील घराची किंमत किती आहे माहित आहे तुम्हाला, नसेल माहित तर घ्या जाणून)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)