पाकिस्तान क्रिकेट संघाचा माजी कर्णधार मोहम्मद हाफीज सध्या देशांतर्गत पाकिस्तान सुपर लीग 2023 मध्ये खेळत आहे. पाकिस्तानच्या अष्टपैलू खेळाडूच्या लाहोर शहरातील घरात मंगळवारी चोरी झाल्याची बातमी अलीकडेच समोर आली आहे. हाफिजच्या घरातून चोरट्यांनी रोख रक्कम, विदेशी चलन आणि मौल्यवान वस्तू चोरून नेल्या आहेत. वृत्तानुसार, चोरट्यांनी हाफिजच्या घरातून 20,000 डॉलर्स, 5000 UAE दिरहाम, 4000 पाउंड आणि 3000 युरो पळवले. चोरीच्या वेळी घरात कोणीही नव्हते. हाफिज पाकिस्तानी लीगमध्ये व्यस्त होता आणि त्याची पत्नी काही कामानिमित्त इस्लामाबादला गेली होती, त्याचा फायदा घेत चोरट्यांनी चोरी केली. सध्या या प्रकरणाचा तपास सुरु आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)