आज आयपीएल 2023 चा 11 वा सामना राजस्थान रॉयल्स आणि दिल्ली कॅपिटल्स यांच्यात खेळला गेला. हा सामना गुवाहाटी येथे झाला. या सामन्यात राजस्थान रॉयल्सने दिल्ली कॅपिटल्सचा 57 धावांनी पराभव केला आहे. तत्पूर्वी, दिल्ली कॅपिटल्सचा कर्णधार डेव्हिड वॉर्नरने नाणेफेक जिंकून प्रथम गोलंदाजी करण्याचा निर्णय घेतला. दरम्यान, नाणेफेक हारल्यानंतर राजस्थान रॉयल्स संघाने प्रथम फलंदाजी करताना निर्धारित 20 षटकांत चार गडी गमावून 199 धावा केल्या. राजस्थान रॉयल्सकडून सलामीवीर जोस बटलरने झटपट खेळी करताना 79 धावा केल्या. दिल्ली कॅपिटल्सकडून मुकेश कुमारने सर्वाधिक दोन विकेट घेतल्या. लक्ष्याचा पाठलाग करताना दिल्ली कॅपिटल्स संघाला 20 षटकांत 9 गडी गमावून 142 धावा करता आल्या. दिल्ली कॅपिटल्सकडून सलामीवीर डेव्हिड वॉर्नरने सर्वाधिक 65 धावा केल्या. राजस्थान रॉयल्सकडून ट्रेंट बोल्ट आणि युझवेंद्र चहल सर्वाधिक तीन विकेट घेतल्या आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)