Mumbai Police: वाहतूक नियमनादरम्यान पो.ह. राजेंद्र सोनवणे यांनी केली दिव्यांग नागरिकाची मदत; मुंबई पोलिसांनी शेअर केला हृदयस्पर्शी व्हिडिओ (Watch Video)
विभागाने एक हृदयस्पर्शी व्हिडिओ शेअर केला आहे, जो पाहून तुम्हाला नक्कीच आपल्या मुंबई पोलिसांचा अभिमान वाटेल
मुंबई पोलीस वरचेवर लोकांना विविध सुरक्षा नियम आणि मार्गदर्शक तत्त्वांची आठवण करून देणारे व्हिडिओ किंवा फोटोज पोस्ट करत असतात. काही वेळा, ते लोकांमध्ये जागरूकता पसरवण्याच्या उद्देशानेही पोस्ट करत असतात. मात्र नुकतेच विभागाने एक हृदयस्पर्शी व्हिडिओ शेअर केला आहे, जो पाहून तुम्हाला नक्कीच आपल्या मुंबई पोलिसांचा अभिमान वाटेल. मुंबई पोलीसांचे ब्रीदवाक्य प्रत्यक्षात उतरवत असताना कर्तव्यदक्ष पोलीस पो.ह. राजेंद्र सोनवणे यांनी वाहतूक नियमनादरम्यान एका दिव्यांग नागरिकाला हाताला धरून त्याला रस्ता ओलांडण्यासाठी मदत केली आहे.