Modi Ji Thali: न्यू जर्सीमधील मराठी रेस्टॉरंट मालकाने लाँच केली खास 'मोदी जी थाळी'; कोथिंबीर वडीपासून इडलीपर्यंत अनेक गोष्टींचा समावेश (Watch)

पंतप्रधान नरेंद्र मोदी 21 ते 24 जून या कालावधीत अमेरिकेच्या पहिल्या राजकीय दौऱ्यावर जाणार आहेत. यावेळी दोन्ही देशांदरम्यान अनेक प्रकारच्या करारांवर स्वाक्षऱ्याही होऊ शकतात. आता पंतप्रधान मोदींच्या आगामी अमेरिकेच्या दौऱ्यापूर्वी, न्यू जर्सीमधील एका रेस्टॉरंटने त्यांच्या नावाची थाली सुरू केली आहे. रेस्टॉरंटचे मराठी मालक श्रीपाद कुलकर्णी यांनी एका व्हिडिओमध्ये सांगितले की, पीएम मोदींच्या आगामी अमेरिका दौऱ्याच्या पार्श्वभूमीवर त्यांच्या नावाने एक थाली लॉन्च करण्यात आली आहे, ज्याचे नाव 'मोदी जी थाली' असे आहे.

रेस्टॉरंटचे मालक कुलकर्णी म्हणाले की, ‘भारतीय समुदायाच्या मागणीनुसार आम्ही मोदीजींची खास थाली बनवली आहे. या थाळीमध्ये खिचडी, रसगुल्ला, सरसो का साग, दम आलू सब्जी, इडली, कोथिंबीर वडी, ढोकळा, ताक, पापड इ. गोष्टी आहेत.’ यावेळी तेथे उपस्थित असलेल्या काही भारतीय समुदायाने जेवण उत्कृष्ट असल्याचे सांगितले. एका व्यक्तीने सांगितले की, न्यू जर्सीमध्ये मोदीजी थालीला पसंती दिली जात आहे. आम्हा सर्वांना ही थाळी खूप आवडली आहे. (हेही वाचा: Pune: 'बायकोने मला हरवलं', जपानचे राजदूत Hiroshi Suzuki यांनी पुण्यात पत्नीसह घेतला मिसळ पाव आस्वाद; पहा व्हिडिओ)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)