Thane Fire Video: मानपाडा येथे तेल वाहून नेणाऱ्या टॅंकरला आग, रस्त्यावर वाहतूक सेवा विस्कळीत

Thane Fire Video: ठाण्यातील मानपाडा येथे रविवारी सकाळी एका टॅंकरला आग लागल्याची माहिती समोर आली आहे. मुंबई घोडबंदर रोजवरून जात असताना आग लागली. ही घटना दुर्गा कट्टा, चितळसर मानपाडा नाक्यासमोर घडली. आग लागल्यामुळे वाहतुक सेवा विस्कळीत झाली होती. ही घटना सकाळी सव्वा सात वाजण्याच्या सुमारास घडली. टॅंकर  साजिद अली (२८) चालवत होता. टॅंक केशव पांडे यांच्या मालकीचा होता अशी माहिती अधिकाऱ्यांनी दिली. ट्रॅंकरमध्ये २५ हजार लिटर तेल होते. ते घेऊन नवी मुंबई येथील मनोर येथे जात होते. आगीची माहिती मिळताच, ट्रॉफिक पोलिस घटनास्थळी दाखल झाले. त्यानंतर अग्निशमन दलाच्या गाड्या दाखल झाल्या.आगीत ट्रॅंकरचे भरपूर नुकसान झाले.  पोलिसांनी रस्त्यावरून वाहतूक सेवा सुरळीत केली.  (हेही वाचा-  पुणे यथील विमान नगर परिसरात फिनिक्स मॉलला आग,)