Pune: पुण्यात Khadeeja Sheikh नावाच्या मुस्लिम विद्यार्थिनीने इंस्टाग्रामवर शेअर केली पाकिस्तान समर्थक पोस्ट; Sinhagad College ने केले निलंबित

पुण्यातील सिंहगड अभियांत्रिकी महाविद्यालयाने खादिजा शेख नावाच्या 19 वर्षीय मुस्लिम विद्यार्थिनीला निलंबित केले आहे. खादिजाने इंस्टाग्रामवर ‘पाकिस्तान जिंदाबाद’ आणि भारतविरोधी भावना व्यक्त करणारी पोस्ट शेअर केल्यामुळे तिचे निलंबन झाले आहे. ही कारवाई 9 मे 2025 रोजी जाहीर करण्यात आली, आणि त्याच दिवशी पुणे पोलिसांनी खादिजाला अटक केली. ही घटना भारत आणि पाकिस्तान यांच्यातील वाढत्या सैन्य तणावाच्या पार्श्वभूमीवर घडली आहे. खादिजाच्या इंस्टाग्राम स्टोरीमध्ये पाकिस्तानी नागरिकांच्या पोस्ट्सचे स्क्रीनशॉट्स होते, ज्यात ‘पाकिस्तान जिंदाबाद’ आणि ‘हिंदुत्व अतिरेक’ यासारख्या उल्लेखांचा समावेश होता. या पोस्ट्समध्ये भारताच्या ‘ऑपरेशन सिंदूर’ च्या कारवाईवर टीका करण्यात आली होती.

याबाबत महाविद्यालयाने म्हटले आहे की, ‘संस्थात्मक नीतिमत्ता जपण्यासाठी आणि सर्व विद्यार्थ्यांनी जबाबदार नागरी आणि शैक्षणिक वर्तनाचे पालन करावे यासाठी,’ हा निर्णय घेण्यात आला आहे. पोलीस उपायुक्त (झोन 5) राजकुमार शिंदे म्हणाले, या मुलीवर भारतीय न्याय संहिता कलम 152 (भारताचे सार्वभौमत्व, एकता आणि अखंडता धोक्यात आणणारी कृत्ये), 196 (वेगवेगळ्या गटांमध्ये शत्रुत्व वाढवणे), 299 (धार्मिक भावना भडकवणे) आणि 352 (शांतता भंग करण्यासाठी जाणूनबुजून केलेला अपमान) अंतर्गत गुन्हा दाखल करण्यात आला आहे. पुढील तपास सुरू आहे. (हेही वाचा: India-Pakistan Tensions: किनारपट्टीच्या रक्षणासाठी मच्छिमार बनणार महाराष्ट्र सरकारचे 'डोळे आणि कान'; ‘सुरक्षा निर्देश’ जारी)

मुस्लिम विद्यार्थिनीने इंस्टाग्रामवर शेअर केली ‘पाकिस्तान जिंदाबाद’ची पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)