Mumbai Weather Update: मुंबईमध्ये आज उष्ण व दमट परिस्थिती; संध्याकाळी मेघगर्जनेसह वेगाने वारे वाहण्याची शक्यता, जाणून घ्या हवामान अंदाज
एकीकडे उकाड्यामुळे हैराण झालेल्या मुंबईकरांना दोन दिवसांत झालेल्या पावसाने दिलासा दिला असला तरी, आज मुंबईमध्ये सकाळपासून तापमानाचा पारा वाढला आहे. मुंबईतील तापमानात बुधवारी झालेली वाढ गुरुवारीही कायम होती.
Mumbai Weather Update: गेल्या काही दिवसांपासून मुंबईच्या हवामानात सातत्याने बदल दिसून येत आहेत. एकीकडे उकाड्यामुळे हैराण झालेल्या मुंबईकरांना दोन दिवसांत झालेल्या पावसाने दिलासा दिला असला तरी, आज मुंबईमध्ये सकाळपासून तापमानाचा पारा वाढला आहे. मुंबईतील तापमानात बुधवारी झालेली वाढ गुरुवारीही कायम होती. हवामान अंदाजानुसार आता पुढील 24 तासांसाठी मुंबई शहर आणि उपनगरात उष्ण आणि दमट परिस्थिती राहण्याची शक्यता आहे. यासह संध्याकाळपर्यंत मेघगर्जनेसह वेगाने वारे वाहण्याची शक्यता आहे. आज शहरातील कमाल आणि किमान तापमान अनुक्रमे 36°C आणि 29°C च्या आसपास असेल, असा अंदाज मुंबईच्या प्रादेशिक हवामान केंद्राने वर्तवला आहे. (हेही वाचा: Monsoon Update: मान्सूनच्या आगमनाची तारीख ठरली, या दिवशी केरळात होणार दाखल)
पहा मुंबईसाठी हवामान केंद्राचा अंदाज-