Mumbai Rains: मुंबईकरांना कडाक्याच्या उन्हापासून दिलासा; शहरात अनेक ठिकाणी विजांच्या कडकडाटासह पावसाची हजेरी (Watch Video)

Mumbai Rains: महाराष्ट्रातून अजूनही मान्सून पूर्णपणे गेला नाही. गेल्या काही दिवसांपासून मुंबई आणि परिसरात हलक्या सरी कोसळत आहेत. हा ट्रेंड पुढील आठवडाभर कायम राहू शकतो. दक्षिण-पश्चिम मान्सूनचा हा शेवटचा टप्पा असल्याने कोकण भागात, विशेषत: मुंबईत सध्या तुरळक पाऊस पडत असून, त्यामुळे मान्सूनचा उत्साह कायम आहे. कल्याण-डोंबिवलीत सकाळपासून ढगाळ वातावरणात होते. दुपारी तीननंतर अचानक रिमझिम पावसाला सुरवात झाली. मुंबई उपनगरातील अंधेरी, वांद्रे, गोरेगाव, मालाड, बोरीवली परिसरात रिमझिम पाऊस सुरू झाला आहे. याचे अनेक व्हिडीओ सध्या सोशल मिडियावर व्हायरल होत आहेत.

दरम्यान, मान्सूनचे प्रस्थान जवळ आले आहे, परंतु या आठवड्यात मान्सून पूर्णपणे परतणे शक्य नाही. नैऋत्य मान्सून साधारणपणे 06 ऑक्टोबरपर्यंत मुंबईतून माघार घेतो. यावर्षी मान्सून परतण्याचा काळ लांबला आहे.. येत्या काही दिवसांत मुंबईसह कोकण किनारपट्टीवर आणखी काही पाऊस पडू शकतो. मात्र अहवालानुसार, येत्या 2-4 दिवसांत मुंबईसह महाराष्ट्राच्या काही भागांतून मान्सून माघार घेऊ शकतो. माहितीनुसार, आजपासून पुढील 4 दिवस तुरळक ठिकाणी विजांच्या कडकडाटासह पावसाचा इशारा देण्यात आला आहे. तर, मुंबईसह कोकण, मराठवाडा भागात ढगांच्या गडगडाटासह किरकोळ पावसची शक्यता आहे. (हेही वाचा: Asian Development Bank कडून महाराष्ट्रामध्ये Coastal and Riverbank Protection साठी $42 million चं कर्ज)

मुंबईत अनेक ठिकाणी विजांच्या कडकडाटासह पावसाची हजेरी-