Mumbai Police: वर्षा गायकवाड, अस्लम शेख यांच्या विरोधात गुन्हा दाखल, तलवार घेतल्याचा व्हिडिओ व्हायरल होताच मुंबई पोलिसांची कारवाई

मुंबई पोलिसांनी (Mumbai Police) थेट कारवाई करत राज्याच्या शिक्षणमंत्री वर्षा गायकवाड (Varsha Gaikwad), वस्त्रोद्योग मंत्री अस्लम शेख (Aslam Sheikh) आणि अखिल भारतीय काँग्रेस कमिटीचे अल्पसंख्याक विभागाचे अध्यक्ष इम्रान प्रतापगढी यांच्या विरोधात गुन्हा दाखल केला आहे. एका जाहीर कार्यक्रमात तलवार हातात घेऊन प्रदर्शन केल्याने हा गुन्हा दाखल झाला आहे. वृत्तसंस्था पीटीआयने याबाबत वृत्त दिले आहे. दरम्यान, मंत्री आणि काँग्रेस नेत्यांचा तलवार हातात घेऊन त्याचे प्रदर्शन केल्याचा व्हिडिओही सोशल मीडियावर व्हायरल झाला होता. या व्हिडिओचीच नोंद घत पोलिसांनी ही कारवाई केली. प्राप्त माहिती अशी की, मुंबई पोलीस आणि शस्त्र कायद्यानुसार गुन्हा दाखल करण्यात आला आहे.

अखिल भारतीय काँग्रेस कमिटीचे अल्पसंख्याक विभागाचे अध्यक्ष इम्रान प्रतापगढी यांच्या स्वागतासाठी वांद्रे येथील रंगशारदा भवनमध्ये एका कार्यक्रमाचे आयोजन करण्यात आले होते. या कार्यक्रमावेळी काँग्रेस मंत्री आणि काँग्रेस नेत्यांनी तलवार उंचावत त्याचे प्रदर्शन केले. काही वेळातच हा व्हिडिओ सोशल मीडियावर व्हायरल झाला.

काँग्रेस नेत्यांवर गुन्हा दाखल झाल्यानंतर दुसऱ्या बाजूला भाजप नेते मोहित कंबोज यांनी दावा केला आहे की, मुंबई पोलिसांनी आपण केलेल्या तक्रारीच्या आधारेच हा गुन्हा दाखल केला आहे. या संदर्भात कंबोज यांनी एक ट्विटही केले आहे. दरम्यान या प्रकरणाचा तपास सुरु असल्याचे पोलिसांचे म्हणने आहे.

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Mar 29, 2022 09:53 AM IST. For more news and updates on politics, world, sports, entertainment and lifestyle, log on to our website latestly.com).