Maratha Reservation in Parliament: 'केंद्राने संविधानिक दुरुस्तीचे विधेयक आणून आरक्षणाची मर्यादा वाढवावी'; शिवसेना खासदार Om Rajenimbalkar यांनी संसदेमध्ये उठवला मराठा आरक्षणाचा मुद्दा

राज्यात सध्या मराठा आरक्षणाचा (Maratha Reservation) मुद्दा चर्चेत आहे. मराठा आरक्षणासाठी मनोज जरांगे पाटील यांनी गेल्या काही दिवसांपासून आक्रमक भूमिका घेतली व त्यामुळे राज्य सरकारला या प्रकरणात लक्ष घालणे भाग पडले. आता शिवसेना खासदार ओमराजे निंबाळकर यांनी आज मराठा आरक्षणाचा आवाज संसदेत उठवला. संसदेच्या हिवाळी अधिवेशनाचा आज दुसरा दिवस आहे. या वेळी निंबाळकर म्हणाले, ‘मराठा समाज आणि धनगर समाज आरक्षणासाठी रस्त्यावर उतरला आहे. मराठा समाजाला आरक्षण मिळावे म्हणून 100 हून अधिक जणांनी आपले प्राण गमावले आहेत. मराठा आरक्षणाला सुप्रीम कोर्टामध्ये स्थगिती मिळाली आहे. आरक्षणाची मर्यादा 50 टक्क्यांपेक्षा पुढे गेल्याने सर्वोच्च न्यायालयात हे आरक्षण टिकले नव्हते. गेले अनेक दिवस आम्ही आरक्षणाची मर्यादा वाढवण्याची मागणी करत आहोत. राज्य सरकारने दिलेला शब्द पाळला नाही त्यामुळे मराठा आणि धनगर समाजामध्ये असंतोष आहे. त्यामुळे आता तरी केंद्राने संविधानिक दुरुस्तीचे विधेयक आणून आरक्षणाची मर्यादा वाढवावी अशी आमची विनंती आहे.’ (हेही वाचा: Uddhav Thackeray On Farmers Loan Waiver: कर्जमाफी करुन राज्यातील बळीराजाला दिलासा द्या, उद्धव ठाकरे यांची मागणी)

शिवसेना खासदार ओमराजे निंबाळकर ह्यांनी आज मराठा आरक्षणाचा आवाज संसदेत उठवला.@OmRajenimbalkr pic.twitter.com/op9z05UCO4

— ShivSena - शिवसेना Uddhav Balasaheb Thackeray (@ShivSenaUBT_) December 5, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Dec 05, 2023 08:35 PM IST. For more news and updates on politics, world, sports, entertainment and lifestyle, log on to our website latestly.com).