Eknath Shinde Dasara Melava: एकनाथ शिंदे यांच्या मेळाव्यामध्ये 12 फुटाची चांदीची तलवार; झाला विश्वविक्रम

आज दसऱ्याच्या दिवशी शिवसेना पक्षाचे दोन दसरा मेळावे पार पडत आहेत. वांद्रा येथे एकनाथ शिंदे यांचा, तर दादरच्या शिवाजी पार्क येथे पारंपारिक उद्धव ठाकरे यांचा. अशात एकनाथ शिंदे यांच्या मेळाव्यामध्ये एक विश्वविक्रम झाला आहे. उद्योगमंत्री उदय सामंत यांनी एकनाथ शिंदे यांना दसरा मेळाव्या निमित्ताने 12 फुटांची चांदीची तलवार भेट म्हणून दिली आहे. आतापर्यंतची ही सर्वात मोठी तलवार आहे. या तलवारीची नोंद गिनीज बुक ऑफ वर्ल्ड रेकॉर्डमध्ये झाली आहे. यासोबतच मेळाव्याच्या ठिकाणी अजून एक 51 फुटाची तलवार ठेवण्यात आली आहे. या तलवारीची शस्त्रपूजा करण्यात आली.