Diamond Merchant Dies By Suicide: मुंबईमध्ये गेटवे ऑफ इंडियाजवळ 65 वर्षीय डायमंड मर्चंटची आत्महत्या; आठवडाभरातील दुसरी घटना
सकाळी 9.30 वाजता ते कॅबने गेटवे ऑफ इंडियावर पोहोचले. त्यानंतर काही वेळातच त्यांनी खवळलेल्या समुद्रात उडी घेतली. ही घटना पाहणाऱ्या व्यक्तीने तत्काळ पोलीस नियंत्रण कक्षाला सूचना दिली.
Diamond Merchant Dies By Suicide: दक्षिण मुंबईतील 65 वर्षीय हिरे व्यापाऱ्याने रविवारी सकाळी गेटवे ऑफ इंडियाजवळ अरबी समुद्रात उडी मारून आत्महत्या केल्याची घटना घडली आहे. आठवडाभरातील ही अशी दुसरी घटना आहे. याआधी घाटकोपर येथे राहणाऱ्या भावेश नागीन सेठ या व्यावसायिकाने 17 जुलै रोजी वरळी-वांद्रे सी लिंकवरून उडी मारून आपले जीवन संपवले होते. व्यवसायात मोठ्या प्रमाणात नुकसान झाल्यामुळे ते नैराश्यात होते.
आता रविवारी सकाळी सातच्या सुमारास शीला अपार्टमेंट, भुलाभाई देसाई रोड, महालक्ष्मी येथे पत्नी, मुलगा, सून आणि नातवंडांसह राहणारे संजय शांतीलाल शहा हे पत्नीला फिरायला जात असल्याची माहिती देऊन, अपार्टमेंटमधून बाहेर पडले. कुलाबा पोलिसांनी दिलेल्या माहितीनुसार, सकाळी 9.30 वाजता ते कॅबने गेटवे ऑफ इंडियावर पोहोचले. त्यानंतर काही वेळातच त्यांनी खवळलेल्या समुद्रात उडी घेतली. ही घटना पाहणाऱ्या व्यक्तीने तत्काळ पोलीस नियंत्रण कक्षाला सूचना दिली. त्यानंतर ताबडतोब मुंबई पोलीस आणि अग्निशमन दलाचे कर्मचारी ज्या ठिकाणी शहा यांनी समुद्रात उडी मारली होती त्या ठिकाणी पोहोचले. मोठ्या प्रयत्नांनंतर, बचाव पथकाने त्यांना समुद्रातून बाहेर काढण्यात यश मिळवले, मात्र तोपर्यंत खूप उशीर झाला होता. सेंट जॉर्ज रुग्णालयात शहा यांना मृत घोषित करण्यात आले. (हेही वाचा: INS Brahmaputra मध्ये आग; एका बाजूने झुकले जहाज, एक खलाशी बेपत्ता)
पहा पोस्ट-
Mumbai Tragedy: 65-Year-Old Diamond Merchant Dies By Suicide Near Gateway Of India; Second Incident In A Week#Mumbai #Tragedy #DiamondMerchant #Suicide #GatewayOfIndfia @fpjbala https://t.co/NzsoOD7qqf
— Free Press Journal (@fpjindia) July 22, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jul 22, 2024 11:33 PM IST. For more news and updates on politics, world, sports, entertainment and lifestyle, log on to our website latestly.com).
