Mumbai: पश्चिम रेल्वे मार्गावर शनिवारी-रविवारी मेगाब्लॉक; तारीख, वेळ आणि इतर तपशील घ्या जाणून
माहीम आणि वांद्रे स्थानकांदरम्यान पुलाच्या पुनर्बांधणीमुळे पश्चिम मार्गावर मोठ्या प्रमाणात व्यत्यय येण्याची माहिती पश्चिम रेल्वेने केली आहे. 24-25 जानेवारी आणि 25-26 जानेवारीच्या रात्री हा ब्लॉकमुळे 24 जानेवारीला 127 सेवा आणि 25 जानेवारीला 150 सेवा प्रभावित होतील.
Mumbai: माहीम आणि वांद्रे स्थानकांदरम्यान पुलाच्या पुनर्बांधणीमुळे पश्चिम मार्गावर मोठ्या प्रमाणात व्यत्यय येण्याची माहिती पश्चिम रेल्वेने केली आहे. 24-25 जानेवारी आणि 25-26 जानेवारीच्या रात्री हा ब्लॉक (Western Railway Mega Block) असेल, ज्यामुळे 24 जानेवारीला 127 सेवा आणि 25 जानेवारीला 150 सेवा प्रभावित होतील. याव्यतिरिक्त, सुमारे 60 सेवा अंशतः रद्द केल्या जातील. रात्री 11 ते सकाळी 8.30 पर्यंत धीम्या मार्गावर आणि रात्री 12.30 ते सकाळी 6.30 पर्यंत डाऊन जलद मार्गावर दोन्ही रात्री ब्लॉक राहील. उपनगरीय सेवांवर (Mumbai Local Train)परिणाम होईल, काही गाड्या पर्यायी जलद मार्गांनी मार्ग बदलतील. लांब पल्ल्याच्या गाड्यांनाही विलंब होईल. रात्रीच्या वेळी ब्लॉकचे वेळापत्रक ठरवून प्रवाशांची गैरसोय कमी करण्याचा पश्चिम रेल्वेचा उद्देश आहे.