Doordarshan News Anchor Sarla Maheshwari Passes Away: दूरदर्शनच्या ज्येष्ठ वृत्तनिवेदिका सरला माहेश्वरी यांचे निधन; वयाच्या ७१ व्या वर्षी घेतला अखेरचा श्वास
दूरदर्शनवरील प्रसिद्ध वृत्तनिवेदिका सरला माहेश्वरी यांचे वयाच्या 71 व्या वर्षी निधन झाले. त्यांच्या निधनाने पत्रकारिता क्षेत्रावर शोककळा पसरली आहे.
दूरदर्शनच्या सुवर्णकाळातील एक परिचित चेहरा आणि ज्येष्ठ वृत्तनिवेदिका सरला माहेश्वरी यांचे वयाच्या 71 व्या वर्षी निधन झाले. गेल्या काही काळापासून त्या आजारी होत्या. त्यांच्या निधनामुळे भारतीय प्रसारमाध्यम क्षेत्रातील, विशेषतः दूरदर्शनच्या युगातील एक महत्त्वाचा दुवा निखळला आहे. सरला माहेश्वरी यांनी दूरदर्शनवर अनेक दशके वृत्तनिवेदिका म्हणून काम केले. जेव्हा खासगी वृत्तवाहिन्यांचे अस्तित्व नव्हते, अशा काळात त्यांनी आपल्या स्पष्ट शब्दफेकीने आणि संयत सादरीकरणाने प्रेक्षकांच्या मनात घर केले होते. बातम्या देण्याची त्यांची विशिष्ट शैली आणि आवाजातील गांभीर्य ही त्यांची ओळख होती.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)