Video: महिलेचा E-Cigarette पितानाचा व्हिडिओ व्हायरल; वडोदराच्या महिला पोलीस ठेवणार गरबा स्थळांवर लक्ष

इव्ह-टीझिंगला आळा घालण्यासाठी स्थापन करण्यात आलेले 'महिला' पोलीस पथक आता, परिसरात गरबा खेळून समाजाच्या भावना दुखावण्याचा प्रयत्न करणाऱ्या महिलांवरही लक्ष ठेवणार आहे. वडोदरा पोलीस आयुक्तांनी सोमवारी याबाबत माहिती दिली. पोलीस आयुक्त शमशेर सिंग यांनी प्रसारमाध्यमांना सांगितले की, 'मी टीमला अशा महिलांवर लक्ष ठेवून त्यांना पकडून फौजदारी गुन्हा नोंदविण्याचे निर्देश दिले आहेत.' युनायटेड वे वेन्यूवर गरबा खेळताना एका महिलेची ई-सिगारेट ओढतानाची व्हिडिओ क्लिप व्हायरल झाल्यानंतर पोलिसांनी असे आदेश दिले आहेत.

युनायटेड वेचे आयोजक हेमंत शहा यांनीही बहुसंख्य समुदायाला आश्वासन दिले आहे की, सुरक्षा पथकाला अधिक सतर्क राहण्यास सांगितले जाईल आणि मैदानावर गरबा खेळताना सिगारेट ओढणाऱ्या लोकांना पकडले जाईल आणि त्यांना मैदान सोडण्यास सांगितले जाईल.