Suicide: तीन वर्षात तब्बल 1.12 लाख रोजंदारी कामगारांनी केल्या आत्महत्या, केंद्राची लोकसभेत माहिती

नॅशनल क्राइम रेकॉर्ड ब्युरो (NCRB) च्या अहवालाचा हवाला देत केंद्रीय कामगार मंत्री भूपेंद्र यादव यांनी सोमवारी लोकसभेत सांगितले की, 2019 ते 2021 या तीन वर्षांत एकूण 1.12 लाख रोजंदारी कामगारांनी आत्महत्या केल्या आहेत. यादव म्हणाले की, या काळात 66,912 गृहिणी, 53,661 स्वयंरोजगार, 43,420 पगारदार आणि 43,385 बेरोजगारांनी आत्महत्या केल्या आहेत.

प्रश्नोत्तराच्या तासादरम्यान त्यांनी सांगितले की, 35,950 विद्यार्थी आणि 31,839 शेतमजुरांनी आत्महत्या केल्या आहेत. मंत्री म्हणाले की असंघटित कामगार सामाजिक सुरक्षा कायदा 2008 नुसार सरकार असंघटित क्षेत्रातील कामगारांना सामाजिक सुरक्षा प्रदान करण्यास बांधील आहे. यामध्ये रोजंदारीवर काम करणाऱ्या कामगारांचाही समावेश आहे.