भारतीय लष्कराचे क्षेपणास्त्र 124 किलोमीटर आत पाकिस्तानमध्ये पडले; Defence Ministry ने दिले स्पष्टीकरण

पाकिस्तानच्या वतीने भारतावर आरोप करताना सांगण्यात आले की, त्यांच्या देशाच्या सीमेवर भारताकडून एक सुपरसॉनिक क्षेपणास्त्र डागण्यात आले होते. हे क्षेपणास्त्र पाकिस्तानच्या सीमेच्या सुमारे 124 किमी आत पडले. ज्याचा शोध पाकिस्तानी हवाई संरक्षण यंत्रणेने घेतला. आता या प्रकरणावर भारताकडून उत्तर देण्यात आले आहे. ज्यामध्ये भारताने हे क्षेपणास्त्र डागल्याचे मान्य केले आहे.

भारताच्या संरक्षण मंत्रालयाने पाकिस्तानात पडलेल्या क्षेपणास्त्रावर अधिकृत उत्तर देताना सांगितले की, देखरेखीदरम्यान बिघाड झाल्याने हे क्षेपणास्त्र पाकिस्तानमध्ये पडले. ही घटना अपघाताने घडली असून, या प्रकरणाच्या उच्चस्तरीय चौकशीचे आदेश देण्यात आले आहेत. म्हणजेच चुकून हे क्षेपणास्त्र पाकिस्तानच्या सीमेवर डागल्याचे भारताने पाकिस्तानला सांगितले आहे.