Govt Increase Intrest Rate For These Saving Schemes: नवीन वर्षाची भेट! बचत योजनांच्या व्याजदरात बदल, Sukanya Samriddhi Scheme चा व्याज 0.20% ने वाढला

Govt Increase Intrest Rate For These Saving Schemes: छोट्या बचत योजनांमध्ये गुंतवणूक करणाऱ्यांसाठी सरकारने मोठी भेट दिली आहे. केंद्र सरकारने अल्पबचत योजनेच्या व्याजदरात वाढ केली आहे. जानेवारी-मार्च 2024 या तिमाहीसाठी ही वाढ करण्यात आली आहे. अर्थ मंत्रालयाने दिलेल्या माहितीनुसार, सुकन्या समृद्धी योजनेचा व्याजदर 8 टक्क्यांवरून 8.20 टक्के झाला आहे. सुकन्या समृद्धीसोबतच सरकारने 3 वर्षांच्या ठेवींवरील व्याजदरातही वाढ केली आहे. पूर्वी सरकार 3 वर्षांच्या ठेवींवर 7% व्याज देत होते, ते आता 7.1% झाले आहे. नवीन दर 1 जानेवारी 2024 पासून लागू होतील. सरकारने सार्वजनिक भविष्य निर्वाह निधी (PPF), राष्ट्रीय बचत प्रमाणपत्र (NSC), किसान विकास पत्र (KVP), ज्येष्ठ नागरिक बचत योजना (SCSS), 5 वर्षांची आवर्ती ठेव, मासिक उत्पन्न खाते योजना यांच्या व्याजदरांमध्ये कोणताही बदल केलेला नाही. (हेही वाचा: India-Italy Agreement: भारत दरवर्षी 20,000 हून अधिक कामगार इटलीला पाठवणार; मंत्रिमंडळाने कराराला दिली मंजुरी)