Bearded Groom: दाढीवाल्या वराचे लग्न नाही होणार, फक्त क्लीन शेव्ह असलेल्या लोकांचेच लग्न होणार, जाणून घ्या कोणी दिला हा आदेश

जयपूरमध्ये सामूहिक विवाह सोहळ्याचे आयोजन करणाऱ्या समितीने एक अनोखा निर्णय घेतला आहे. या निर्णयानुसार अशा कार्यक्रमांमध्ये फक्त क्लीन शेव्ह केलेले वरच सहभागी होऊ शकतात, लांब दाढी असलेल्याला वरांचे लग्न केले जाणार नाही. 30 मार्च रोजी सामुहिक विवाह सोहळ्याचे आयोजन करणार्‍या श्री क्षत्रिय कुमावत सामूहिक विवाह समितीने बोलावलेल्या बैठकीत सर्वानुमते हा निर्णय घेण्यात आला.

गोविंदगडमध्ये झालेल्या बैठकीत समितीचे अध्यक्ष सत्यनारायण मावर व सचिव छोटूराम मावळ म्हणाले की, भारतीय संस्कृतीच्या संवर्धनासाठी नवऱ्या मुलाला क्लिन शेव्ह करून येण्याच्या सूचना दिल्या आहेत. पाश्चात्य प्रभावाखाली, बरेच वर त्यांच्या लग्नाला लांब दाढी घेऊन येतात जे चांगले दिसत नाही. कधी कधी त्याची ओळखही लपून रहाते.