Allahabad HC On Live-in Relation: लिव्ह-इन रिलेशन तुटल्यानंतर महिलांना स्वीकारत नाही समाज, म्हणून नाईलाजाने उचलावे लागते 'हे' पाऊल

आपल्या विवाहित लिव्ह-इन पार्टनरवर बलात्कार केल्याचा आरोप असलेल्या एका पुरुषाला जामीन मंजूर करताना, अलाहाबाद उच्च न्यायालयाने नोंदवले की, लिव्ह-इन संबंध तुटल्यानंतर एका महिलेसाठी एकटे राहणे कठीण आहे. भारतीय समाज अशा संबंधांना सहजा सहजी स्वीकारत नाही. त्यामुळे एका महिलेकडे तिच्या लिव्ह-इन जोडीदाराविरुद्ध एफआयआर दाखल करण्याशिवाय पर्याय उरत नाही, जे सध्याच्या प्रकरणात घडले आहे.

न्यायमूर्ती सिद्धार्थ यांच्या खंडपीठाने 24 नोव्हेंबर 2022 रोजी अटक करण्यात आलेल्या आदित्य राज वर्माच्या जामीन अर्जावर सुनावणी करताना ही निरीक्षणे नोंदवली. आदित्यला त्याच्या लिव्ह-इन पार्टनरशी लग्न करण्याचे वचन देऊन तिची फसवणूक केल्याच्या आरोपावरून अटक करण्यात आली होती.