Bengaluru Explosion: बेंगळूरु येथे रामेश्वरम कॅफेत स्फोट, 4 जण गंभीर जखमी, आग विझवण्याचे काम सुरु

Bengaluru Explosion: बेंगळुरू शहरात प्रसिध्द रामेश्वरम कॅफेमध्ये शुक्रवारी दुपारी स्फोट झाल्याची धक्कादायक माहिती समोर आली आहे. अचानक झालेल्या या स्फोटामुळे कॅमेमध्ये मोठ्या प्रमाणात गोंधळ निर्माण झाला आहे. एचएएल पोलिस स्टेशन अंतर्गत कुंडलहल्ली येथील रामेश्वरम कॅफमध्ये दुर्घटना घडली. माहितीनुसार, कॅफेमध्ये बॅगेत ठेवलेल्या एका संशयित वस्तूचा स्फोट झाला. स्फोट झाल्यानंतर कॅफेमध्ये उपस्थित ग्राहक जीव वाचवण्यासाठी बाहेर धावले. घटनेची माहिती पोलिस आणि अग्निशामक दलाला देण्यात आली. घटनास्थळी आग विझवण्याचे काम सुरु आहे. स्फोट कश्याने झाला याचा शोध सुरु आहे. या आगीत चार जण गंभीर जखमी झाले आहे अशी माहिती समोर आली आहे.