Uttar Pradesh Video: टोल प्लाझा कर्मचारी आणि प्रवाशांमध्ये तुंबळ हाणामारी, यमुना एक्स्प्रेसवरील घटना कॅमेरात कैद

Uttar Pradesh Video: उत्तर प्रदेशातील ग्रेटर नोएडा येथील टोल प्लाझावर कर्मचारी आणि तरुणांमध्ये तुंबळ हाणामारी झाली आहे. जवळच असलेल्या सीसीटीव्ही कॅमेऱ्यात ही घटना कैद झाली आहे. हा व्हिडिओ सोशल मीडियावर व्हायरल होत आहे. ही घटना यमुना द्रुतगती मार्गावरील जेवर टोल प्लाझा येथे घडली. त्यानंतर कार चालकाने पळून जाताना टोल कर्मचाऱ्यांच्या अंगावर कार नेली. यात कर्मचारी जमिनीवर पडले. व्हिडिओत दिसल्याप्रमाणे, कर्मचारी आणि प्रवाश्यामध्ये जोरात भांडण झाल्याचे दिसत आहे. ही घटना सोमवारी (12 फेब्रुवारी) सायंकाळी 4 च्या सुमारास जेवर पोलिस स्टेशन हद्दीतील जेवर टोल प्लाझा येथे घडली. टोल मागितल्यावर कर्मचारी आणि प्रवासीमध्ये भांडण चालू झाले.