'सुख म्हणजे नक्की काय असतं' मालिकेत गौतम बुद्धांचा अपमान; महेश कोठारे यांनी मागितली जाहीर माफी (Watch Video)

सध्या स्टार प्रवाह वाहिनीवर महेश कोठारे यांची ‘सुख म्हणजे नक्की काय असतं’ ही मालिका सुरु आहे. मालिकेला लोकांचा चांगला प्रतिसाद मिळत आहे. मात्र आता ही मालिका वादाच्या भोवऱ्यात सापडली आहे. 14 सप्टेंबरच्या भागामध्ये या मालिकेतील एक पात्र सँडी नावाच्या एका महिला पात्रासाठी, एक निळ्या रंगाचा ब्लाऊज देण्यात आला होता त्यावर पांढर्‍या रंगामध्ये तथागत गाौतम बुद्धांचे चित्र छापण्यात आलेले होते. अंतवस्त्रामध्ये गणना होणार्‍या ब्लॉऊजवर गौतम बुद्धांचे चित्र पाहून वाहिनीचे संचालक, निर्माते आणि ड्रेस डिझायनर यांच्यावर गुन्हे दाखल करावेत, अशी मागणी रिपाइं एकतावादीचे नेते भैय्यासाहेब इंदिसे यांनी केली होती.

आता या मालिकेचे निर्माते महेश कोठारे यांनी बौद्ध धर्मियांच्या भावना दुखावल्याबद्दल सर्वांची जाहीर माफी मागितली आहे. सोशल मिडियावर एक व्हिडिओ पोस्ट करत कोठारे यांनी ही अनवधानाने घडलेली चूक असून ती पुन्हा होणार नाही अशी ग्वाही दिली आहे.

महेश कोठारे यांनी मागितली माफी -

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)