Kanguva Teaser: सुपरस्टार सूर्याच्या 'कंगुवा' चित्रपटाचा टीझर प्रदर्शित, Watch

Kanguva Teaser: तमिळ चित्रपट अभिनेता सूर्या शिवकुमार याचा संपूर्ण भारतात मोठा चाहता वर्ग आहे. गेल्या काही वर्षांत 'जय भीम' सारख्या चित्रपटांमुळे हिंदी चित्रपटसृष्टीतही त्याला चांगला चाहतावर्ग मिळाला आहे. अलीकडेच हा अभिनेता त्याच्या 42 व्या चित्रपटामुळे चर्चेत होता. या दाक्षिणात्य अभिनेत्याच्या पुढच्या चित्रपटाचे नाव जाहीर करण्यात आले आहे. अभिनेता सुर्याच्या 42 व्या चित्रपटाचे नाव कांगुवा आहे. अभिनेत्याने सोशल मीडियावर चित्रपटाचा टायटल लूक शेअर केला आहे, ज्याला चाहत्यांनी चांगला प्रतिसाद दिला आहे. त्याच वेळी, चित्रपटाच्या शीर्षकाचा टीझरही प्रदर्शित करण्यात आला आहे. सुमारे एक मिनिटाच्या या व्हिडिओमध्ये ग्राफिक्सचा मोठ्या प्रमाणावर वापर करण्यात आला आहे. एक माणूस घोड्यावर बसलेला दाखवला आहे आणि त्याचा चेहरा मुखवटाने झाकलेला आहे. त्यासोबतच गरुड आणि कुत्रेही अॅनिमेटेड व्हर्जनमध्ये दाखवले आहेत. संपूर्ण व्हिडिओमध्ये बॅकग्राउंडमध्ये 'कांगुवा'चा साउंड ट्रॅक वाजतोय. व्हिडीओ पाहून असे वाटते की, हा चित्रपट अॅक्शनने भरलेला असेल. (हेही वाचा - IB 71 Teaser Release: अभिनेता विद्युत जामवालच्या अॅक्शन-थ्रिलर IB 71 चा टीझर रिलीज; 'या' तारखेला प्रदर्शित होणार चित्रपट)