Lata Mangeshkar Funeral: लता मंगेशकर यांचा अंतिम प्रवास; गानकोकिळेला निरोप देण्यासाठी शिवाजी पार्कवर चाहत्यांची अलोट गर्दी (Watch Video)

भारताची गानकोकिळा लता मंगेशकर यांचे आज सकाळी निधन झाले. आपल्या आवाजाने संपूर्ण जगाला मंत्रमुग्ध करणाऱ्या या महान गायिकेचा अंतिम प्रवास सुरु झाला आहे. लता मंगेशकर यांच्यावर मुंबईच्या शिवाजी पार्क येथे शासकीय इतमामात अंत्यसंस्कार होणार आहेत. त्यांचे निवासस्थान प्रभुकुंजवरून त्यांची अंत्ययात्रा सुरु झाली असून, लवकरच त्यांचे पार्थिव शिवाजी पार्कवर पोहोचणार आहे. शिवाजी पार्क येथे त्यांच्या अंत्यसंस्काराची तयारी पूर्ण झाली आहे. यावेळी पंतप्रधान नरेंद्र मोदी, मुख्यमंत्री उद्धव ठाकरे, राज्यपाल तसेच महाराष्ट्रातील सर्व केंद्रीय मंत्री उपस्थित राहणार आहेत.