Bhool Bhulaiyaa 3 Teaser Out: कार्तिक आर्यन पुन्हा एकदा दिसणार रुह बाबाच्या भूमिकेत; समोर आला 'भूल भुलैया 3' चा टीजर (Watch)

कार्तिक आर्यनच्या चाहत्यांसाठी एक मोठी बातमी समोर आली आहे. भूल भुलैया 2च्या अभूतपूर्व यशानंतर आता निर्मात्यांनी चित्रपटाचा तिसरा भाग बनवण्याचा निर्णय घेतला आहे. गेल्या अनेक दिवसांपासून या चित्रपटाची चर्चा होती, मात्र आता भूल भुलैया 3 ची अधिकृत घोषणा करण्यात आली आहे. सोशल मीडियावर, अभिनेता कार्तिक आर्यनने चाहत्यांसह भूल भुलैया 3 चा टीझर शेअर करत, पुष्टी केली आहे की लवकरच प्रेक्षकांना भूल भुलैया 3 पाहायला मिळेल. साधारण 57 सेकंदांच्या टीझरमध्ये कार्तिक आर्यन पुन्हा हॉन्टेड मॅन्शनमध्ये दिसत आहे. यादरम्यान त्याचा दमदार डायलॉगही ऐकायला मिळतो. चित्रपटाचे दिग्दर्शन पुन्हा एकदा अनीस बज्मी यांच्याकडे देण्यात आले आहे. हा हॉरर कॉमेडी 2024 च्या दिवाळीत रिलीज होणार आहे.