Nikita Rawal Looted At Gun Point: अभिनेत्री निकिता रावलची लाखो रुपयांची लूट; नोकराने गळ्यावर चाकू ठेवून दिली धमकी, दोघांना अटक

Nikita Rawal Looted At Gun Point: बॉलिवूडची प्रसिद्ध अभिनेत्री निकिता रावल (Nikita Rawal) सोबत एक हृदयद्रावक घटना घडली आहे. 'गरम मसाला' आणि 'ब्लॅक अँड व्हाईट' सारख्या चित्रपटात दिसलेल्या निकिताकडून बंदुकीच्या धाकावर साडेतीन लाख रुपये लुटण्यात आले. निकिताने सांगितले की, जेव्हा त्यांनी दरोडेखोरांना रोखण्याचा प्रयत्न केला तेव्हा त्यांना जीवे मारण्याची धमकी देण्यात आली. अभिनेत्रीने या संदर्भात मुंबई पोलिसांकडे एफआयआर दाखल केला, त्यानंतर पोलिसांनी तातडीने कारवाई करत दोघांना अटक केली. दरोडेखोरांमध्ये निकिताच्या नोकराचाही समावेश आहे. नोकराने गळ्यावर चाकू ठेवून अभिनेत्रीला धमकी दिली. या घटनेनंतर निकिताने मुंबईतील ओशिवारा पोलीस ठाण्यात एफआयआर दाखल केला आहे.