Suicide: येरवडा तुरुंगातील रक्षकाचा कारागृहाच्या आवारात आत्महत्येचा प्रयत्न, प्रकृती गंभीर

येरवडा मध्यवर्ती कारागृहात (Yerawada Jail) तैनात असलेल्या तुरुंग रक्षकाने (Prison guard) कारागृहाच्या आवारातच अधिकृत बंदुकीचा (Gun) वापर करून आत्महत्येचा (Suicide) प्रयत्न केला आहे. ही घटना पहाटे घडली असून जखमी रक्षकावर ससून सामान्य रुग्णालयात उपचार सुरू असल्याचे अधिकाऱ्यांनी सांगितले. अमोल माने असे या गार्डचे नाव आहे. पोलिस उपायुक्त (झोन 4) रोहिदास पवार यांनी दिलेल्या माहितीनुसार, माने यांनी पहाटे 4.31 च्या सुमारास आपल्या सर्व्हिस रायफलमधून (Service rifle) गोळी झाडून जीवन संपवण्याचा प्रयत्न केला. अधिकाऱ्यांनी सांगितले की, माने हे पहाटे 3 ते 6 या वेळेत कारागृहाच्या मुख्य गेटवर ड्युटीवर होते.

त्याने आपल्या सेल्फ-लोडिंग रायफल (SLR) वापरून कपाळावर गोळी झाडली. त्याच्या सहकाऱ्यांनी आगीचा आवाज ऐकून त्याला तातडीने रुग्णालयात दाखल केले.  तो सध्या व्हेंटिलेटर सपोर्टवर आहे, डीसीपी म्हणाले, येरवडा पोलिसांनी गुन्हा दाखल केला आहे आणि तपास सुरू आहे. गार्डचे सहा महिन्यांपूर्वीच लग्न झाले आहे. हेही वाचा Mumbai Power Outrage: ग्रीड फेल्युअर झाल्याने दक्षिण मुंबईत वीजपुरवठा खंडीत, लोकल सेवाही विस्कळीत