Dantewada Encounter: छत्तीसगडमध्ये चकमकीत दोन महिला माओवाद्यांना कंठस्नान, दंंतेवाडा पोलिसांची माहिती

छत्तीसगड पोलिसांनी (Chhattisgarh Police) शनिवारी बस्तर (Bastar) क्षेत्रातील दंतेवाडा (Dantewada) जिल्ह्यात सुरक्षा कर्मचार्‍यांशी झालेल्या चकमकीत दोन महिला माओवाद्यांना (Maoists) ठार केल्याचा दावा केला आहे. ज्यांना एकत्रितपणे 6 लाखांचे बक्षीस आहे. घटनास्थळावरून तीन स्थानिक बनावटीच्या रायफल, दारूगोळा, संवाद साधने, स्फोटक साहित्य आणि कॅम्पिंग साहित्य जप्त करण्यात आले आहे, असे दंतेवाडा पोलिसांनी जारी केलेल्या निवेदनात म्हटले आहे. दंतेवाडाचे पोलीस अधीक्षक अभिषेक पल्लव यांनी सांगितले की, शनिवारी पहाटे ही चकमक झाली. पल्लव म्हणाले, जिल्हा राखीव रक्षक (DRG) चे एक पथक अरणपूर भागात नक्षलविरोधी मोहिमेवर होते, तेव्हा पहाटे 5.30 वाजता गोंडेरस गावाजवळील जंगलात चकमक सुरू झाली. हेही वाचा Corona Vaccination: महाराष्ट्रातील दुर्गम भागात लसीचे डोस पोहोचवले ड्रोनने, अवघ्या 9 मिनिटांत राबवला प्रयोग

चकमक संपल्यानंतर, हिदमे कोहरामे आणि पोज्जे या दोन माओवाद्यांचे मृतदेह सापडले, असे पोलिसांनी सांगितले. या दोघांच्या डोक्यावर अनुक्रमे 5 लाख आणि 1 लाखाचे बक्षीस होते. कोहरामे हा सीपीआयच्या मलंगर एरिया कमिटीचा एरिया कमिटी सदस्य म्हणून सक्रिय होता. तर दुसरा त्याच पथकातील चेतना नाट्य मंडळी सीएनएम-एक सांस्कृतिक शाखाचा प्रभारी म्हणून सक्रिय होता, एसपीने सांगितले.