Pune: पुण्यात तापमान 12.8 अंश सेल्सिअसपर्यंत घसरले, ठरले महाराष्ट्रातील दुसरे सर्वात थंड शहर

भारतीय हवामानशास्त्र विभागाने (IMD) दिलेल्या माहितीनुसार, सलग दुसऱ्या दिवशी पुणे (Pune) हे महाराष्ट्रातील दुसरे सर्वात थंड शहर ठरले. शुक्रवारी शहरातील रात्रीचे तापमान 12.8 अंश सेल्सिअसपर्यंत घसरले. पुढील काही दिवसांत रात्रीच्या तापमानात हळूहळू वाढ होण्याची शक्यता आहे, असे IMD अधिकाऱ्यांनी सांगितले.

IMD, पुणे येथील हवामान अंदाज विभागाचे प्रमुख अनुपम कश्यपी यांनी सांगितले की, 9 नोव्हेंबर रोजी बंगालच्या उपसागरावर कमी दाबाचे क्षेत्र तयार झाले आहे. त्याच्या प्रभावाखाली पुण्यासह राज्याच्या दक्षिण मध्य भागात ओलावा सुरू झाला आहे.  त्यामुळे येत्या काही दिवसांत पुण्यात अंशतः ढगाळ वातावरण राहण्याची शक्यता आहे, परिणामी रात्री किंवा किमान तापमानात किरकोळ वाढ होण्याची शक्यता आहे, कश्यपी म्हणाले. हेही वाचा Viral Video: जंगल सफारीचा प्लॉन करताय, सावधान! सफारी दरम्यान सिंहची थेट सफारी व्हॅनवर उडी; पहा अंगावर काटा आणणारा व्हिडीओ

दुपारच्या दरम्यान आकाश अंशतः ढगाळ राहण्याची शक्यता आहे. रात्रीचे तापमान 13 ते 14 अंश सेल्सिअसच्या आसपास राहण्याची शक्यता आहे. तर, 14 नोव्हेंबरपर्यंत दिवसाचे तापमान 31 ते 30 अंश सेल्सिअस दरम्यान राहण्याची शक्यता आहे, कश्यपी म्हणाले.