NIA Raid In Nagpur: दहशतवाद्यांशी संबंध असल्याच्या संशयावरून NIA चे नागपुरात चार ठिकाणी छापे
NIA | (Photo Credit - Twitter/ANI)

विविध सोशल मीडिया प्लॅटफॉर्मवर तरुणांच्या कट्टरतावादाशी संबंधित असलेल्या 'गझवा-ए-हिंद' (Ghazwa-e-Hind) प्रकरणाच्या सुरू असलेल्या तपासात राष्ट्रीय तपास संस्थेने (NIA) गुरुवारी मध्य नागपूर (Nagpur) भागात चार ठिकाणी छापे (Raid) टाकले. एनआयएने गुरुवारी पहाटे सतरंजीपुरा (Satranjeepura) आणि गवळीपुरा (Gawlipura) येथे छापे टाकले. एनआयए अधिकार्‍यांनी ज्या ठिकाणांची झडती घेतली. त्यामध्ये देशविरोधी कारवायांमध्ये गुंतलेल्या संशयितांची निवासी जागा आणि देशातील सोशल मीडियाद्वारे असुरक्षित तरुणांचे कट्टरपंथीकरण यांचा समावेश आहे.

अधिकाऱ्यांच्या म्हणण्यानुसार, 'गझवा-ए-हिंद' हा व्हॉट्सअॅप ग्रुप एका पाकिस्तानी नागरिकाने तयार केला होता. त्यात भारतातील तसेच पाकिस्तान आणि येमेनसह इतर देशांतील अनेक व्यक्तींना जोडले होते. शोधकार्यात नागपूर पोलिसांची गुन्हे शाखा देखील हजर होती आणि कोणताही अनुचित प्रकार घडू नये यासाठी परिसरात सुरक्षा अधिकारी तैनात करण्यात आले होते. हेही वाचा Uddhav Thackeray यांचे Raj Thackeray यांना प्रत्युत्तर, म्हणाले - ते मुन्नाभाई एमबीबीएस चित्रपटातील पात्रासारखे

या चौघांनाही चौकशीअंती केंद्रीय संस्थेने सोडून दिले. एनआयएच्या पथकाने चार संशयितांकडून मोबाईल संच आणि इतर इलेक्ट्रॉनिक उपकरणे जप्त केली. नागपूर शहराचे पोलिस आयुक्त (सीपी) अमितेश कुमार म्हणाले की, एनआयएने नागपुरातील छाप्यांबाबत कोणतीही माहिती शहर पोलिसांशी शेअर केलेली नाही. कुमार म्हणाले, त्यांनी आम्हाला परिसरात सुरक्षा व्यवस्थेसाठी विनंती केली आणि आम्ही त्यानुसार ते पुरवले, कुमार म्हणाले.